Awatokua 20:9 - Mbeti ti Nzapa - Tënë so amu fini

⁹ Mbeni maseka-koli so iri ti lo Etish aduti na yanga ti fenetere. Na ndembe so Paul angba ti tene tënë, lango asara lo mingi si lo londo na da-nduzu ti ota ni, lo ti na sese. So ala ga ti mu lo na nduzu, andaa lo kui awe.

Awatokua 20:9 ပူးပေါင်းရင်းမြစ်များ

1 Agbia 17:19

Élie akiri tënë na lo: “Mu na mbi molenge ti mo ni!” Lo mu molenge ni na maboko ti mama ti lo, lo gue na lo na ya ti kubu ti nduzu so lo yeke lango daa. Lo zia molenge ni na ndö ti gbogbo ti lo.

Marc 13:36

Tongana lo si na ndembe kue, ayeke nzoni lo wara ala na lango pepe.

Marc 9:26

Yingo ni adekongo, ayingi molenge ni ngangu si asigigi. Molenge-koli ni aga tongana zo so akui awe. Azo so aduti na tere ni atene: “Lo kui awe.”

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.

Awatokua 20:10

Paul azu na sese, lo kuku na ndö ti lo, lo mu lo na ya ti maboko ti lo si lo tene: “Be ti ala agi ala pepe, lo yeke na fini!”

Awatokua 20:7

Na lakui ti laposo, e bongbi tere ti te kobe ti beoko. Ndali ti so, tongana ndo ahan, Paul ayeke hon hongo, lo tene tënë ngbii asi na be ti bi.

Awatokua 20:8

Alamba mingi ayeke za na ya ti kubu ti nduzu, na ndo so e bongbi daa so.