Awatokua 20:30 - Mbeti ti Nzapa - Tënë so amu fini

³⁰ Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

Awatokua 20:30 ပူးပေါင်းရင်းမြစ်များ

Amato 19:1

Wayere so fini ti lo ayeke na legeni, lo yeke nzoni lo hon zo ti buba so ayeke tene gi atënë ti mayere.

Amato 23:33

Mo yeke baa aye kirikiri na le ti mo; aye kirikiri ayeke ga na li ti mo si mo yeke tene atënë kirikiri.

Ésaïe 59:3

Biani, ya ti maboko ti ala asi singo na mene, ali ti maboko ti ala aga sioni ndali ti sioni ti ala; yanga ti ala ayeke tene atënë ti mvene, menga ti ala ayeke diko atënë ti kirikiri.

Daniel 11:34

Na ndembe ti aye ti ngangu ni so, azo ayeke mu maboko na ala gi kete. Me na lege ti atënë ti handa, azo gbani gbani ayeke bongbi na ala.

Matthieu 23:15

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke tambula na ndo kue, na ndö ti sese wala na ndö ti akota ngu-ingo titene ala wara mbeni zo oko so alingbi ti mu peko ti ala. Tongana zo ni amu peko ti ala awe, ala sara si lo lingbi na ngbanga ti ndo so wâ ayeke gbi daa lakue; ala sara si lo lingbi na ni fani use ahon ala.

Awatokua 11:26

So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 21:38

Mo, zo ti Ezipte so apusu azo ti sara wusuwusu biri biri si na pekoni mo mu azo ti fango zo saki osio, mo gue na ala na benyama so, mo laa pepe?”

2 Korente 11:13

Azo ni so ayeke awatokua ti mvene; ala yeke tene mvene na ndo ti kua so ala yeke sara si ala yeke sara tere ti ala tongana awatokua ti Christ.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

2 Jean 1:7

Azo ti mvene asi singo, ala mu ndö ti dunia kue; ala yeke tene na azo atene, Jésus Christ amu ando tere ti zo pepe. Lege so ala yeke hinga na zo ti mvene, Wato ti Christ laa.

Aye so Nzapa afa 2:6

Me mbeni nzoni ye so mbi baa na mbage ti mo ayeke so: be ti mo ake sarango ye ti azo so amu peko ti Nicolas; mbi nga, be ti mbi ake sarango ye ti ala.