Awatokua 20:24 - Mbeti ti Nzapa - Tënë so amu fini

²⁴ Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 20:24 ပူးပေါင်းရင်းမြစ်များ

1 Mbai 11:18

Tongaso akpengba turugu ota so ali na ya ti bâbâ ti azo ti Filistii na ngangu, ala to ngu ti du ti ngu so ayeke na yanga ti gbata ti Betlehem, ala ga na ni na David; me lo ke ti nyon ngu ni. Lo tuku ngu ni na sese tongana *sandaga ti samba ndali ti KOTA GBIA.

Nzoni Tënë so Luc asu na mbeti 16:28

ngbanga ti so a-ita ti mbi oku ayeke kâ. Ayeke nzoni lo tene tënë na ala si ala nga aga na ya ti pasi so ge pepe.’

Jean 15:27

Ala nga, fade ala yeke tene tënë so ala hinga na ndö ti mbi, ngbanga ti so ala yeke na mbi ngbene ye na tongo nda ni.”

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Awatokua 1:17

Judas ayeke lani na popo ti e si a mu na lo mbage ti kua so e yeke sara so titene lo sara.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 13:25

Na ndembe so Jean aga nduru ti hunzi kua ti lo, lo tene: ‘Ala baa ti ala atene, mbi yeke zo wa? Zo so ala yeke ku lo so ayeke mbi pepe. Ala ma: lo yeke ga na peko ti mbi, mbi lingbi ti zi aporo ti gere ti lo pepe.’

Awatokua 14:3

Ataa so kue, Paul na Barnabas angba na Ikoniom aninga. Ala fa tënë ti *Kota Gbia na mbeto pepe, ngbanga ti so ala zia be ti ala kue na ndö ti lo. Lo mu na ala ngangu ti sarango aye ti kpene na aye ti dongo be ti fa na azo atene, atënë so ala yeke fa na ndö ti nzoni be ti lo ayeke taa-tënë.

Awatokua 15:7

So tënë ni aga ngangu na popo ti ala, Pierre alondo si lo tene: “A-ita ti mbi, ala hinga so, ngbene ye na ya ti akozo lango, Nzapa asoro mbi na popo ti ala ti fa Nzoni Tënë na azo ti amara nde titene ala ma ni si ala ma na be.

Awatokua 18:5

So Silas na Timothée alondo na Masedoane asi awe, Paul amu ngoi ti lo kue ti fa tënë ti Nzapa; lo yeke fa na azuife atene, Jésus ayeke *Mesii biani.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 20:23

Ye oko so mbi hinga ayeke so: na ya ti agbata oko oko, Yingo-Vuru afa na mbi kozoni atene, kanga na pasi ayeke ku mbi.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 11:6

Nzapa asoro azo na lege ti nzoni be ti lo, lo soro ala ndali ti sarango ye ti ala pepe. Tongaso pepe, ka nzoni be ti Nzapa angba nzoni be mbeni pepe.

Rome 4:4

Zo so asara kua ayeke wara futa; futa so lo wara, a mu ni na lo senge senge pepe, ayeke ndali ti kua so lo sara.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

2 Korente 4:12

Tongaso, kuâ ayeke sara kua na ya ti tere ti e, fini ayeke sara kua na ya ti tere ti ala.

2 Korente 5:8

Be ti e awoko oko pepe, e ye mingi ti zia tere so e yeke na ni so ti gue ti duti na tere ti Kota Gbia.

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 3:13

Tongaso, mbi hunda na ala: be ti ala awoko pepe ndali ti apasi so mbi yeke baa ndali ti ala; apasi ni ayeke ndali ti nzoni ti ala.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

1 Tesalonike 3:3

Tongaso, pasi so e yeke baa fadeso asara si mbeni zo oko na popo ti ala ati pepe. Ala wani ahinga so, amara ti pasi tongaso ayeke aye so Nzapa aleke ni ndali ti e kozoni.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Tite 1:3

So ngoi ni alingbi awe, Nzapa, Wasongo e afa tënë ti lo, lo mu na mbi tënë ni si mbi yeke fa ni na peko ti yanga so lo mu na mbi.

Tite 2:11

Biani, Nzapa afa nzoni be ti lo na azo kue awe titene na lege ti nzoni be ti lo ni, ala soo kuâ.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 6:11

Na pekoni, a mu yongoro vuru bongo na ala oko oko kue si a hunda na ala ti ku kete, ngbii azo ni afâ tanga ti amba ti ala, azo ti kua ti Nzapa na a-ita ti ala, tongana ti so a fâ ala so si; me wungo ti ala ade ti lingbi pepe.