Awatokua 20:2 - Mbeti ti Nzapa - Tënë so amu fini

² Lo hon na ya ti sese so si lo fa tënë mingi na a-ita, azo ti Christ ti mu ngangu na be ti ala. Na pekoni, lo gue na Grese.

Awatokua 20:2 ပူးပေါင်းရင်းမြစ်များ

Zakarii 9:13

Fade mbi yeke mu Juda tongana kokora ti bira, Efraim ayeke duti tongana ale ti kokora ni. *Sion, fade mbi yeke tokua azo ti mo ti tiri bira na azo ti Grese. Mbi yeke mu azo ni tongana yongoro zeme ti ngangu zo ti bira.”

Nzoni Tënë so Luc asu na mbeti 3:18

Jean amu ambeni wango mingi na azo ni ti fa Nzoni Tënë na ala.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 16:12

E londo na ndo so, e gue na Filipe, gbata so ayeke na ya ti kozo mbage ti sese ti Masedoane, azo ti Rome laa aleke gbata ni. E lango kete na ya ti gbata so.

Awatokua 17:1

Paul na Silas ahon na ya ti agbata ti Anfipolis na ti Apolonii si ala si na Tesalonike. Kâ, mbeni da ti sambelango Nzapa ti azuife ayeke daa.

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

Awatokua 20:1

So wusuwusu ni akai awe, Paul airi adisiple si lo tene tënë na ala ti mu ngangu na be ti ala. Na pekoni, lo bara ala si lo mu lege ti gue na Masedoane.

Awatokua 20:11

Paul akiri na nduzu, lo mu mapa, lo fa ya ni si lo te. Lo kiri lo tene tënë ngbii asi na yanga ti ndaperere, na pekoni lo hon.

Awatokua 20:3

Lo sara kâ nze ota. Na ndembe so lo ye ti mu mangboko ti gue na sese ti Sirii, lo ma so azuife aleke tënë ti sara sioni na lo. Tongaso lo leke na be ti lo ti kiri ti hon na ya ti Masedoane.

1 Korente 4:19

Me tongana Kota Gbia ayeda, fade mbi yeke si na ala kâ fafadeso. Tongana mbi si ande, mbi ye ti ma tënë ti azo ti baba so pepe, me mbi ye ti baa ngangu ti ala ti sarango na ye.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

1 Tesalonike 2:11

Ala hinga nga atene, e sara na zo oko oko tongana ti so babâ ayeke sara na amolenge ti lo.

1 Tesalonike 2:3

Tënë so e yeke fa na azo aluti na ndö ti tënë ti mvene pepe, aluti nga na ndö ti sioni tënë ti be ti zo wala tënë ti handango zo pepe.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.