Awatokua 20:19 - Mbeti ti Nzapa - Tënë so amu fini

¹⁹ Mbi sara kua ti *Kota Gbia na be ti molenge, na ngu ti le, na ya ti apasi so kue mbi baa, ngbanga ti so azuife aleke tënë ti sara sioni na mbi.

Awatokua 20:19 ပူးပေါင်းရင်းမြစ်များ

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Awatokua 17:13

Me so azuife ti Tesalonike ama a tene, Paul ayeke fa nga tënë ti Nzapa na Bere, ala ga na ya ti gbata ni ti bi tomboka na li ti gba ti azo ni titene ala sara wusuwusu.

Awatokua 17:5

Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni.

Awatokua 20:3

Lo sara kâ nze ota. Na ndembe so lo ye ti mu mangboko ti gue na sese ti Sirii, lo ma so azuife aleke tënë ti sara sioni na lo. Tongaso lo leke na be ti lo ti kiri ti hon na ya ti Masedoane.

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Awatokua 21:27

So lango mbarambara ni aga nduru ti hunzi awe, ambeni zuife ti sese ti Azii abaa Paul na ya ti kota da ti Nzapa. Ala pusu gba ti azo ti sara wusuwusu, ala gbu lo.

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 12:11

Ala sara sopo pepe, me ala mu ngangu ti ala kue ti sara na kua ti *Kota Gbia; ala sara kua ni na be ti ala kue.

2 Korente 2:4

Biani, na ndembe so mbi su mbeti ti tokua na ala, be ti mbi ayeke na vundu, mbi yeke na siriri pepe, mbi yeke na ngu ti le na le ti mbi. Mbi su mbeti ni ti zia vundu na be ti ala pepe, me titene ala hinga atene, mbi ye ala ahon ndoni.

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

2 Korente 7:5

Biani, na ngoi so e si na Masedoane, e wara lege ti wu tere ti e pepe, me e baa amara ti pasi kue: azo atiri na e, mbeto ayeke na ya ti e.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Efeze 6:7

Ala sara kua ti ala na nzerengo be, tongana ti so ala yeke sara kua ti *Kota Gbia so; ala baa kua ni tongana kua ti zo pepe.

Filipe 3:18

Mbi tene tënë so na ala lege mingi kozoni awe; laso mbi kiri ti tene na ala na ngu ti le: ambeni zo mingi ayeke daa so sarango ye ti ala afa so ala ke tënë ti keke ti kroa ti Christ awe.

Kolose 3:24

Ayeke nzoni ala hinga atene, Kota Gbia ayeke futa ande ala; so ti tene ala yeke wara anzoni ye so Kota Gbia ayeke bata ni ndali ti azo ti lo. Taa Gbia so ala yeke sara kua na lo ayeke Christ.

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

2 Timothée 1:4

Tongana mbi yeke dabe ti mbi na ngu ti le ti mo so ayuru, mbi yeke na nzara ti kiri ti baa mo si be ti mbi asi singo na ngia.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

1 Pierre 1:6

Ndani laa ala yeke duti na ngia, ataa so alingbi ala ngba ti baa amara ti pasi nde nde na ya ti kete ngoi so.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Aye so Nzapa afa 7:15

Ndani laa ala yeke luti na dawa ti mbata ti Gbia Nzapa si ala yeke voro lo bi na lâ na ya ti kota da ti lo. Lo so lo yeke duti na ndö ti mbata ti gbia so ayeke ngba na tere ti ala ti bata ala.