Awatokua 20:12 - Mbeti ti Nzapa - Tënë so amu fini

¹² A mu maseka-koli ni aga na lo, lo yeke na fini; be ti azo kue ade.

Awatokua 20:12 ပူးပေါင်းရင်းမြစ်များ

Ésaïe 40:1

Nzapa ti ala atene: Ala de be ti azo ti mbi, ala de be ti azo ni.

Awatokua 20:11

Paul akiri na nduzu, lo mu mapa, lo fa ya ni si lo te. Lo kiri lo tene tënë ngbii asi na yanga ti ndaperere, na pekoni lo hon.

Awatokua 20:13

E mu mangboko na Troas ti gue ti e kozoni na Asos, ndo so e yeke gue ti mu Paul daa. Biani, Paul aleke na be ti lo lani ti gue kâ na gere.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

Efeze 6:22

Mbi tokua lo na ala gi titene lo tene tënë ti dutingo ti e na ala si lo mu nga ngangu na be ti ala.

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.

1 Tesalonike 5:11

Tongaso, ala mu ngangu na be ti ala na popo ti ala, ala sara si amba ti ala akpengba tongana ti so ala yeke sara ni so.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ