Awatokua 2:47 - Mbeti ti Nzapa - Tënë so amu fini

⁴⁷ Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Awatokua 2:47 ပူးပေါင်းရင်းမြစ်များ

Nzoni Tënë so Luc asu na mbeti 19:48

Me ala hinga ye so ala lingbi ti sara pepe, ngbanga ti so azo kue azia mê ti ala kue ti ma atënë so ayeke sigigi na yanga ti lo.

Nzoni Tënë so Luc asu na mbeti 2:52

Jésus akono, lo ga kota, lo mai na ndara si lo ga nzoni na le ti Nzapa nga na le ti azo.

Awatokua 11:21

Ngangu ti Kota Gbia ayeke na ala, nilaa azo mingi ama na be si ala kiri na mbage ti Kota Gbia.

Awatokua 11:24

Barnabas ayeke nzoni zo, lo si singo na Yingo-Vuru na mabe. Ndali ti lo, gba ti azo aga azo ti Kota Gbia.

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 14:21

Paul na Barnabas afa Nzoni Tënë na gbata ti Derbe si azo mingi aga adisiple. Na pekoni, ala kiri na Listre, Ikoniom nga na Antioshe, na sese ti Pisidii.

Awatokua 16:5

Tongaso azo ti *a-Eglize ni akpengba na lege ti mabe si lakue wungo ti azo ni ayeke gue gi na nduzu.

Awatokua 17:12

Ambeni zuife mingi ama na be. Na popo ti agreke, awali ti kota ndo na ambeni koli mingi ama nga na be.

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

Awatokua 4:33

*Awatokua afa na ngangu mingi tënë ti zingongo ti *Kota Gbia Jésus na kuâ, Nzapa asara nzoni be mingi na ala kue.

Awatokua 4:4

Me na popo ti azo so ama tënë ni, ambeni mingi ama na be si wungo ti azo ni aga nduru na saki oku.

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Rome 14:18

Zo so ayeke sara kua na Christ tongaso, lo yeke nzoni na le ti Nzapa si azo ayeda na tënë ti lo.

Rome 8:30

Azo so Nzapa aleke ye so kozoni na be ti lo ndali ti ala, lo iri nga ala, ala so lo iri ala, lo sara si ala ga nga mbirimbiri, ala so lo sara si ala ga mbirimbiri, lo gonda nga ala.

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.