Awatokua 2:42 - Mbeti ti Nzapa - Tënë so amu fini

⁴² Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa.

Awatokua 2:42 ပူးပေါင်းရင်းမြစ်များ

Nzoni Tënë so Luc asu na mbeti 24:30

So lo na ala aduti ti te kobe, lo mu mapa, lo mu singila na Nzapa; na pekoni, lo fâ ya ni si lo mu na ala.

Nzoni Tënë so Luc asu na mbeti 24:35

Adisiple use so atene tënë ti ye so asi na ala na lege so. Ala fa nga lege so ala hinga Jésus na ni, na ndembe so lo fâ ya ti mapa si lo mu na ala.

Awatokua 1:14

Lakue na beoko, ala kue ayeke bongbi ti sambela, ala na ambeni wali, na Marie, mama ti Jésus nga na a-ita ti Jésus.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Awatokua 20:11

Paul akiri na nduzu, lo mu mapa, lo fa ya ni si lo te. Lo kiri lo tene tënë ngbii asi na yanga ti ndaperere, na pekoni lo hon.

Awatokua 20:7

Na lakui ti laposo, e bongbi tere ti te kobe ti beoko. Ndali ti so, tongana ndo ahan, Paul ayeke hon hongo, lo tene tënë ngbii asi na be ti bi.

Awatokua 4:23

Na peko ti so a zi ala awe, Pierre na Jean akiri na popo ti amba ti ala si ala fa peko ti tënë so akota wayango-sandaga na *akangba atene na ala.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Awatokua 6:4

Ti e, fade e yeke mu tere ti e kue ti sambela, ti sara kua ti fango tënë ti Nzapa.”

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

1 Korente 10:21

Ala lingbi ti nyon ye na ya ti kopo ti Kota Gbia nga na ya ti kopo ti asioni yingo legeoko pepe; ala lingbi ti te kobe ti Kota Gbia na kobe ti asioni yingo legeoko pepe.

1 Korente 11:2

Mbi gonda ala, ngbanga ti so na ngoi kue, ala yeke dabe ti ala na mbi si ala yeke sara ye alingbi na atënë so mbi fa na ala.

1 Korente 14:6

A-ita, tongana mbi si na popo ti ala si mbi tene tënë na ala na ambeni yanga nde, fade nzoni ye ti nyen laa ala yeke wara na mbage ti mbi? Mbi yeke sara nzoni na ala gi tongana mbi fa na ala mbeni ye so Nzapa afa na mbi, wala mbi fa na ala mbeni ye so ala hinga pepe, wala mbi tene na ala peko ti tënë ti yanga ti Nzapa, wala mbi fa na ala mbeni ye!

Galasii 1:6

Mbi gi li ti mbi gbaa na ye so ala sara so: gi hio tongaso, ala zia lege ti lo so airi ala na lege ti nzoni be ti Christ so awe ti mu peko ti mbeni nzoni tënë nde!

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Filipe 1:5

ndali ti so ala mu na mbi maboko, ti londo na lango so mbi to nda ti fango Nzoni Tënë ngbii asi fadeso.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 4:2

Ala ngba lakue ti sambela. Le ti ala akpengba na lege ti sambela ni, ala mu singila na Nzapa.

2 Timothée 3:14

Me ti mo, ayeke nzoni mo ngba na ndö ti ye so lani a fa na mo, mo yeda na ni si mo hinga, mo tene, ayeke taa-tënë so; mo hinga azo so afa ye ni na mo awe.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

Ahebro 10:39

Ti e, e yeke azo so ayeke zia lege ti mabe pepe ngbanga ti e girisa. Me e yeke azo so ama na be ti soo kuâ.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Jude 1:20

Me ti ala, a-ita ti mbi so mbi ye ala mingi, ala luti ngangu na ndö ti mabe ti ala so ayeke nde si ayeke nzoni kue. Ala sambela na lege ti Yingo-Vuru.