Awatokua 2:4 - Mbeti ti Nzapa - Tënë so amu fini

⁴ Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Awatokua 2:4 ပူးပေါင်းရင်းမြစ်များ

2 Samuel 23:2

Yingo ti *KOTA GBIA atene tënë na lege ti mbi; tënë ti lo ayeke na menga ti mbi.

Ésaïe 28:11

Biani, fadeso *KOTA GBIA ayeke tene tënë na azo so na lege ti guguma, na yanga ti kodro ti awande.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Ezekiel 3:11

Na pekoni, mo gue, mo baa a-ita ti mo, amolenge ti azo ti mara ti mo so a gbu ala, a ga na ala ge so. Mo tene tënë na ala, ataa ala ma mo, ataa ala ma mo pepe, mo tene na ala, mo tene: ‘Tënë so Kota Gbia NZAPA atene ayeke so.’ ”

Mishe 3:8

Me ti mbi, ndali ti yingo ti KOTA GBIA so lo mu na mbi, mbi wara ngangu ahon ndoni, mbi hinga lege ti fango ngbanga mbirimbiri si mbi yeke na mbeto pepe ti fa na *ahale ti Jacob tënë ti ngangu li ti ala, ti fa nga na azo ti Israel siokpari ti ala.

Matthieu 10:19

Tongana azo ni ague na ala na ngbanga, ala gi be ti ala na ndö ti tënë so ala yeke tene ande, wala na lege ti tenengo tënë ni pepe. Na ndembe ni ande, fade ala yeke hinga tënë ti tenengo ni.

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Nzoni Tënë so Luc asu na mbeti 1:15

Biani, fade lo yeke ga kota na le ti Kota Gbia; lo yeke nyon vin wala samba pepe; Yingo-Vuru ayeke si lo gi na ya ti mama ti lo.

Nzoni Tënë so Luc asu na mbeti 1:41

So Élisabeth ama barango ndo ti Marie, molenge so ayeke na ya ti lo ado tere ti lo si Yingo-Vuru asi Élisabeth.

Nzoni Tënë so Luc asu na mbeti 1:67

Yingo-Vuru asi Zakarii, babâ ti Jean si lo tene peko ti tënë ti yanga ti Nzapa, lo tene:

Nzoni Tënë so Luc asu na mbeti 12:12

Biani, tongana ngbonga ni alingbi, fade Yingo-Vuru ayeke fa na ala tënë ti tenengo ni.”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Nzoni Tënë so Luc asu na mbeti 4:1

So Jésus asi na Yingo-Vuru, lo londo na ngu ti Jourdain lo kiri, Yingo amu lo, ague na lo na benyama.

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Jean 20:22

Na pekoni, lo huru pupu na ndö ti ala si lo tene: “Ala wara Yingo-Vuru!

Awatokua 1:5

Jean abatize azo na ngu, me na ya ti akete lango, fade Nzapa ayeke batize ala na Yingo-Vuru.”

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 10:46

Biani, ala yeke ma azo ni ayeke tene tënë na ayanga nde nde si ala yeke sepela kota ti Nzapa. Pierre amu tënë si lo tene:

Awatokua 10:47

“Fadeso, azo so awara Yingo-Vuru gi tongana ti so e wara na ni. Alingbi ti gbanzi ala titene ala wara bateme ti ngu?”

Awatokua 11:15

Na ndembe so mbi to nda ti tene tënë, Yingo-Vuru azu na ndö ti ala gi tongana ti so azu na ndö ti e kozoni so.

Awatokua 11:24

Barnabas ayeke nzoni zo, lo si singo na Yingo-Vuru na mabe. Ndali ti lo, gba ti azo aga azo ti Kota Gbia.

Awatokua 13:52

Me ti adisiple so ayeke na Antioshe, be ti ala asi na ngia na Yingo-Vuru.

Awatokua 13:9

Tongaso Yingo-Vuru asi Saul, so mbeni iri ti lo ayeke Paul; lo baa ndo taa na ya ti le ti zo ti mazi ni

Awatokua 15:8

Nzapa so ahinga be ti zo afa atene, lo ye azo ti amara nde; lo fa ni na lege so lo mu Yingo-Vuru na ala gi tongana ti so lo mu ni na e.

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Awatokua 2:11

ambeni alondo na Krete nga na Arabii. E so kue e yeke ge, azuife na ambeni zo so ayeke bata *Ndia ti Moïse, e yeke ma ala na taa ayanga ti kodro ti e; ala yeke tene tënë ti akota ye so Nzapa asara!”

Awatokua 2:3

Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Awatokua 4:8

Tongaso Yingo-Vuru asi Pierre si lo tene na ala: “Ala amakonzi ti azuife na akangba,

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 6:8

Nzapa asara nzoni be mingi na Étienne si lo mu na lo ngangu mingi, nilaa Étienne ayeke sara akota ye ti kpene na aye ti dongo be na popo ti azo ni.

Awatokua 7:55

Me Yingo-Vuru asi Étienne; lo baa ndo na yayu si lo baa gonda ti Nzapa nga na Jésus so aluti na tere ti Nzapa na mbage ti maboko ti lo ti koli.

Awatokua 8:17

Tongaso Pierre na Jean azia maboko na ndö ti ala si ala wara Yingo-Vuru.

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 13:1

Tongana mbi tene ayanga ti kodro ti azo na ayanga ti *a-ange si mbi ye amba ti mbi pepe, andaa mbi yeke tongana gbagba ngo so ayeke toto wala mbeni wen so ayeke toto mingi.

1 Korente 13:8

Ndoye ayeke hunzi laoko pepe. Fade tenengo peko ti tënë ti yanga ti Nzapa ayeke hunzi, matabisi ti tenengo tënë na ayanga nde ayeke hunzi, hingango ye ayeke hunzi.

1 Korente 14:18

Mbi mu singila na Nzapa, ngbanga ti so mbi yeke tene tënë na ambeni yanga nde, mbi hon ala kue.

1 Korente 14:5

Mbi ye titene ala kue atene tënë na ayanga nde nde, me mbi ye mingi titene ala tene peko ti tënë ti yanga ti Nzapa. Zo so ayeke tene peko ti tënë ti yanga ti Nzapa asara nzoni na azo ahon zo so ayeke tene tënë na ambeni yanga nde. Zo ti tenengo tënë na ambeni yanga nde ayeke sara nzoni na azo gi tongana mbeni zo na ya ti bongbi ni ayeke kiri peko ti tënë ni na azo na yanga ti kodro ti ala, ti sara titene Eglize ni akpengba.

Efeze 3:19

Fade ala yeke hinga ndoye ti Christ so ahon ngangu ti hingango ndo ti zo. Tongaso, fade ala yeke si singo na aye kue kue kue ti Nzapa.

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

1 Samuel 1:14

Heli atene na lo: “Samba ti mo ni ayeke hon ande na le ti mo pepe? Mo gi ndo, mo hon na ni daa.”

1 Samuel 10:10

So Saul na zo ti kua ti lo asi na Gibea awe, mbeni bongbi ti awayanga-Nzapa aga awara lo. Yingo ti Nzapa aga na ndö ti Saul si lo na ala kue asara ye tongana azo so Yingo ti Nzapa agbu ala.