Awatokua 2:38 - Mbeti ti Nzapa - Tënë so amu fini

³⁸ Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 2:38 ပူးပေါင်းရင်းမြစ်များ

Ésaïe 32:15

Mbeni lâ, fade *KOTA GBIA ayeke tokua yingo ti lo na ndö ti e. Tongaso, benyama ayeke ga yaka so a lu akeke so a yeke te lengo ni si yaka ni ayeke ga mbeni gbako.

Ésaïe 59:20

KOTA GBIA ayeke ga ti zi Jérusalem nga na azo ti Israel so azia lege ti ngangu li ti ala. So tënë ti yanga ti KOTA GBIA laa.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Ezekiel 39:29

Mbi yeke kiri ti honde le ti mbi na ala pepe, ngbanga ti so mbi tokua yingo ti mbi na ndö ti azo ti Israel awe. So tënë ti yanga ti Kota Gbia NZAPA laa.”

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Marc 1:15

Lo tene: “Ngbonga ni alingbi awe, *Kodro-gbia ti Nzapa aga nduru awe. Ala zia ngbene lege ti sarango ye ti ala, ala ma na be na Nzoni Tënë!”

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Nzoni Tënë so Luc asu na mbeti 3:10

Gba ti azo ni ahunda Jean, atene: “Nyen laa e lingbi ti sara?”

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 10:48

Tongaso lo mu yanga na ala ti wara bateme na iri ti Jésus Christ. Na pekoni, ala hunda na lo titene lo ngba, lo na ala alango kete si.

Awatokua 13:38

A-ita, ayeke nzoni ala hinga ye so: na lege ti Jésus laa Nzapa afa na ala tënë ti zingo siokpari na li ti zo; siokpari so *Ndia ti Moïse alingbi ti zi ni oko pepe.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 22:16

Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Awatokua 8:12

Me na peko ti so ala ma na be na Nzoni Tënë ti *Kodro-gbia ti Nzapa so Philippe afa na ala na iri ti Jésus Christ, akoli na awali awara bateme.

Awatokua 8:20

Me Pierre akiri tënë na lo, atene: “Mo na nginza ti mo ni kue, ala gue na le ti wâ, ngbanga ti so nzoni ye so Nzapa ayeke mu na zo senge so, mo baa ti mo, mo tene, zo ayeke vo ni vongo na nginza!

Rome 6:3

Ala hinga pepe? E wara bateme titene e duti oko na Jésus Christ, so ti tene e wara bateme ni ti duti oko na lo na lege ti kuâ so lo kui.

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.