Awatokua 2:36 - Mbeti ti Nzapa - Tënë so amu fini

³⁶ “Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Awatokua 2:36 ပူးပေါင်းရင်းမြစ်များ

Jérémie 2:4

Ala, *ahale ti Jacob na ala, akete mara kue ti Israel, ala ma tënë so KOTA GBIA atene.

Jérémie 31:31

“Mbeni lango ayeke ga so mbi na azo ti Israel nga na azo ti Juda, e yeke sara fini *mbuki; so tënë ti yanga ti KOTA GBIA laa.

Jérémie 33:14

“So tënë ti yanga ti *KOTA GBIA laa: Mbeni lango ayeke ga so mbi yeke sara ye alingbi na zendo so mbi mu na azo ti Israel nga na azo ti Juda.

Ezekiel 34:30

Tongaso, fade azo ayeke hinga atene, mbi laa mbi yeke KOTA GBIA, Nzapa ti azo ti Israel; mbi yeke na ala si ala yeke azo ti mbi. So tënë ti yanga ti Kota Gbia NZAPA laa.

Ezekiel 36:22

Ndani laa, tene na azo ti Israel, mo tene: Tënë so Kota Gbia NZAPA atene ayeke so: Ye so mbi sara so, mbi sara ni ndali ti ala, azo ti Israel pepe. Me mbi sara ni ndali ti iri ti mbi so ayeke nde si ayeke nzoni kue, iri ti mbi so ala buba ni na popo ti amara nde so ala ga na ndo ti ala.

Ezekiel 36:32

Ala azo ti Israel, alingbi ala hinga atene, ye so mbi yeke sara so, mbi sara ni ndali ti ala pepe; so tënë ti yanga ti mbi, Kota Gbia NZAPA laa. Ayeke fade nzoni titene kamene asara ala si be ti ala aso ndali ti lege ti sarango ye ti ala.

Ezekiel 45:6

Na tere ti sese so ala bata ndali ti KOTA GBIA so, fade ala haka kudee 5 000 na mbage, kudee 25 000 na mbeni mbage titene a sara gbata daa ndali ti azo ti Israel kue.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Awatokua 2:35

ngbii mbi sara titene awato ti mo aga tongana mbata ti gbe ti gere ti mo si.’

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.