Awatokua 2:23 - Mbeti ti Nzapa - Tënë so amu fini

²³ A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 2:23 ပူးပေါင်းရင်းမြစ်များ

Tongo nda ti aye 50:20

Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Matthieu 27:35

So ala kanga lo na ndö ti keke ti kroa awe, ala bi *dee si ala kangbi ya ti bongo ti lo na popo ti ala.

Marc 15:24

Na pekoni, ala kanga lo na ndö ti keke ti kroa, ala kangbi bongo ti lo na popo ti ala si ala bi *dee ti hinga zo so alingbi ti wara bongo ni.

Nzoni Tënë so Luc asu na mbeti 22:22

*Molenge ti Zo ayeke gue ti lo tongana ti so Nzapa aleke awe; me mawa na zo so aka lo!”

Nzoni Tënë so Luc asu na mbeti 22:37

Mbi tene na ala: ayeke nzoni ye ni asi alingbi na tënë so a su na ya ti Mbeti ti Nzapa na ndö ti mbi, atene: ‘A diko lo na popo ti azo ti fango zo.’ Biani, tënë so atene na ndö ti mbi so, ye ni ayeke si ande alingbi na ni.”

Nzoni Tënë so Luc asu na mbeti 23:33

So ala si na ndo so a iri ni “Ndo-ti-abio-ti-li”, ala kanga Jésus na ndö ti mbeni keke ti kroa si ala kanga nga asioni zo use so na ndö ti ambeni keke ti kroa, mbeni na mbage ti maboko ti lo ti koli, mbeni na mbage ti maboko ti lo ti wali.

Nzoni Tënë so Luc asu na mbeti 24:20

Akota wayango-sandaga na amakonzi ti e amu lo, aka lo titene a fâ ngbanga ti kuâ na li ti lo si a fâ lo na ndö ti keke ti kroa.

Jean 19:18

Kâ laa aturugu akanga Jésus na ndö ti keke ti kroa. Ala kanga nga ambeni koli use na ndö ti akeke ti kroa, oko na mbage, oko na mbage; Jésus ayeke na popo ti ala.

Jean 19:24

Aturugu ni atene na popo ti ala: “E suru ya ti bongo ni pepe, me e bi *dee ti hinga zo so ayeke wara ni.” Ye so asi si tënë ti Mbeti ti Nzapa aga taa-tënë; tënë ni atene: “Ala kangbi ya ti abongo ti mbi na popo ti ala si ala bi dee ti hinga zo so ayeke mu yongoro bongo ti mbi.” Ye so aturugu asara laa.

Awatokua 13:27

Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.

Awatokua 15:18

lo fa tënë ni ando na azo kozoni awe.’

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Awatokua 5:30

Ala, ala kanga Jésus na ndö ti keke ti kroa si lo kui, me Nzapa ti akotara ti e azingo lo na kuâ.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Rome 2:12

Azo so kue ahinga *Ndia ti Moïse pepe si ala yeke sara siokpari, fade ala yeke kui, ataa so ala hinga ndia ni pepe; me azo so kue ahinga Ndia ti Moïse si ala yeke sara siokpari, fade a yeke fâ ngbanga ti ala na lege ti Ndia ni.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

1 Tesalonike 2:15

Azuife laa afâ *Kota Gbia Jésus na awayanga-Nzapa, ala sara nga ngangu na e. Ala yeke sara ye so azia ngia na be ti Nzapa pepe, ala yeke awato ti azo kue!

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.