Awatokua 2:2 - Mbeti ti Nzapa - Tënë so amu fini

² Gi hio tongaso, mbeni toto so akpa toto ti kota pupu alondo na nduzu si amu ya ti da so ala yeke daa so kue.

Awatokua 2:2 ပူးပေါင်းရင်းမြစ်များ

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

Abia (Psaumes) 18:10

Lo dingi le ti nduzu si lo zu na sese, vukongo mbinda ayeke na gbe ti gere ti lo.

B. ti abia 4:16

Mo pupu ti Banga, mo londo! Mo pupu ti Mbongo, mo ga hio si! Ala ya na ndö ti yaka ti mbi si fion ti yaka ni afun amu ndo kue. Mo kamba ti be ti mbi, ga, mo li na ya ti yaka ti mo, mo te anzoni lengo ti yaka ni.

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Nzoni Tënë so Luc asu na mbeti 2:13

Mo ye ti baa, a-ange mingi mingi ti yayu aga na tere ti kozo ange ni si ala bongbi, ahe bia ti gonda Nzapa, ala tene:

Jean 3:8

Pupu ayeke ya na ndo so be ti lo aye; mo yeke ma ni, me mo hinga ndo so alondo daa, wala ndo so ayeke gue daa pepe. Ye ni ayeke tongaso na azo so Yingo adu ala.”

Awatokua 2:3

Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue.

Awatokua 2:6

So ala ma go ti azo ni, ala ga abongbi tere ti ala gbani gbani. Li ti azo ni aga kirikiri, ngbanga ti so zo oko oko ayeke ma azo ti Jésus so ayeke tene tënë taa na yanga ti kodro ti lo.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.