Awatokua 2:17 - Mbeti ti Nzapa - Tënë so amu fini

¹⁷ ‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

Awatokua 2:17 ပူးပေါင်းရင်းမြစ်များ

Tongo nda ti aye 49:1

Jacob airi amolenge ti lo ti koli si lo tene na ala: “Ala bongbi tere ti ala titene mbi fa na ala ye so ayeke si na ala gbanda.

Tongo nda ti aye 6:12

Nzapa abaa ndo na ndö ti sese; lo baa so sese ni abuba awe, ngbanga ti so azo kue abuba lege ti dutingo ti ala na ndö ti sese ni awe.

Abia (Psaumes) 65:2

Nzapa, mo so mo yeke na gbata ti Sion, mo lingbi titene azo kue agonda mo; zendo so azo amu na mo, ayeke nzoni ala sara ye alingbi na ni.

Abia (Psaumes) 72:6

Ayeke nzoni gbia ni aga tongana ngu-Nzapa so ayeke pika na ndö ti pere so a fâ li ni awe; lo ga tongana ngu-Nzapa so atuku na ndö ti sese ngbii si awoko!

Amato 1:23

So mbi yeke gboto mê ti ala so, ala ma ni si! Tongana ala ma ni, fade mbi yeke sara si yingo ti mbi aga na ndö ti ala, mbi yeke sara si ala hinga tënë ti mbi.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Ezekiel 11:19

Fade mbi yeke mu na ala be oko, mbi yeke zia na ya ti ala fini yingo; mbi yeke zi be ti ala so akpengba tongana têne si mbi yeke mu na ala be ti zo.

Ezekiel 39:29

Mbi yeke kiri ti honde le ti mbi na ala pepe, ngbanga ti so mbi tokua yingo ti mbi na ndö ti azo ti Israel awe. So tënë ti yanga ti Kota Gbia NZAPA laa.”

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Zakarii 2:13

Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.

Nzoni Tënë so Luc asu na mbeti 3:6

tongaso si fade azo kue abaa lege so Nzapa ayeke soo azo na kuâ!”

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

Awatokua 10:45

Azuife so ama na be si ala na Pierre aga so, li ti ala kue akpe, ngbanga ti so ala baa so Nzapa amu nga Yingo-Vuru ti lo na azo ti amara nde!

Awatokua 11:27

Gi na ngoi ni so, ambeni wayanga-Nzapa alondo na Jérusalem aga na Antioshe.

Awatokua 11:28

Mbeni oko so iri ti lo Agabus alondo, lo tene na azo ye so Yingo-Vuru afa na lo, lo tene: “Fade mbeni kota nzara ayeke ga na ndö ti sese kue.” – Nzara ni aga biani na ndembe so Claude ayeke kota gbia ti Rome. –

Awatokua 2:16

Me tënë so Wayanga-Nzapa Joël atene ando so, ni laa asi awe so; lo tene:

Awatokua 2:18

Biani, na ya ti alango ni so, mbi yeke sara titene Yingo ti mbi aga na ndö ti azo ti kua ti mbi ti koli na ti wali si ala yeke tene peko ti tënë ti yanga ti mbi.

Awatokua 2:33

Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so.

Awatokua 21:9

Lo yeke na amaseka-wali osio so ade ti mu koli pepe, ala yeke tene peko ti tënë ti yanga ti Nzapa.

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Jacques 5:3

*Soko amu tere ti lôro ti ala na nginza ti ala kue awe, soko ni laa ayeke bi ande tënë na li ti ala; ayeke te tere ti ala tongana ti so wâ ayeke gbi ye. Lango ti ndani aga nduru awe si ala ngba ti ala ti bongbi amosoro na ndö ni na ndö ni!

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,