Awatokua 2:10 - Mbeti ti Nzapa - Tënë so amu fini

¹⁰ na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge;

Awatokua 2:10 ပူးပေါင်းရင်းမြစ်များ

Tongo nda ti aye 12:10

Mbeni kota nzara ati na ya ti kodro ni. Abram ague na Ezipte ti duti kâ ndali ti mbeni ngoi, ngbanga ti so nzara ni ahon ndoni na ya ti kodro ni.

Esther 8:17

Na kodro-sese oko oko wala na ya ti gbata oko oko so ndia ni wala mbela ni asi daa, be ti azuife kue asi singo na ngia, ala yeke dodo na ngia si ala yeke sara amatanga gbani gbani. Azo mingi ti ambeni kodro so abaa aye ni tongaso, kota mbeto agbu ala sara tere ti ala tongana azuife.

Jérémie 46:9

Ala ambarata, ala londo asara bira! Ala apusu ti mbarata, ala mu loro ngangu! Ala angangu zo ti bira, ala mu li ni! Ala azo ti Etiopii na ti Put, ala so ahinga ti gbu avala, ala azo ti Lud so ahinga ti tiri na kokora, ala nga, ala mu li ni!”

Ezekiel 30:5

Azo ti Etiopii, ti Put na ti Lud, ala ti Arabii na ti Libii, ataa azo ti Israel, ala yeke kui na ya ti bira.

Daniel 11:43

Aye ti mosoro ti kodro ti Ezipte tongana lôro, wen ti nginza na aye ti ngangu ngere kue, fade lo yeke mu ni titene aga ti lo. Azo ti Libii na ti Etiopii ayeke duti na gbe ti lo.

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Zakarii 8:20

Tënë so KOTA GBIA so ayeke na ndö ti dunia kue atene ayeke so: “Biani, fade amara nde na azo ti agbata mingi ayeke kiri ti ga gbani gbani na Jérusalem.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Matthieu 2:15

Lo ngba kâ ngbii asi na ngoi so Herode akui. Ye ni asi alingbi na tënë so Kota Gbia atene ando na yanga ti wayanga-Nzapa, atene: “Mbi iri molenge ti mbi titene lo sigigi na Ezipte.”

Matthieu 23:15

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke tambula na ndo kue, na ndö ti sese wala na ndö ti akota ngu-ingo titene ala wara mbeni zo oko so alingbi ti mu peko ti ala. Tongana zo ni amu peko ti ala awe, ala sara si lo lingbi na ngbanga ti ndo so wâ ayeke gbi daa lakue; ala sara si lo lingbi na ni fani use ahon ala.

Matthieu 27:32

So ala yeke sigigi na ya ti gbata ni, ala tengbi na mbeni koli ti Sirene so iri ti lo ayeke Simon. Ala gbu lo na ngangu titene lo yo keke ti kroa ti Jésus.

Marc 15:21

Mbeni koli ti kodro ti Sirene so iri ti lo ayeke Simon, babâ ti Alexandre na Rufus, alondo na yaka si lo yeke hon na lege ni so. Aturugu agbu lo na ngangu titene lo yo keke ti kroa ti Jésus.

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Awatokua 13:13

Paul na amba ti lo amu mangboko na Pafos, ala gue, asi na Perze, na sese ti Panfilii. Me Jean Marc azia ala na ndo so si lo kiri ti lo na Jérusalem.

Awatokua 13:43

So azo akangbi na peko ti bongbi ni awe, azuife mingi na ambeni zo ti amara nde so ayeke bata ndia ti Moïse amu peko ti Paul na Barnabas. Paul na Barnabas ayeke tene tënë na azo ni si ala yeke mu wango na ala titene ala ngba lakue ti zia be ti ala na ndö ti nzoni be ti Nzapa.

Awatokua 14:24

Na pekoni, ala hon na ya ti sese ti Pisidii si ala si na sese ti Panfilii.

Awatokua 15:38

me ti be ti Paul, alingbi ala mu Jean Marc na tere ti ala pepe, ngbanga ti so lo do ala, lo zia ala na Panfilii, lo mu peko ti ala pepe na ya ti kua ti ala.

Awatokua 16:6

Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

Awatokua 17:21

– Andaa azo ti Athènes na agene so ayeke lango na gbata ni, kua ti ala ayeke ti fa afini tënë wala ti ma afini tënë. –

Awatokua 18:2

Kâ, lo wara mbeni zuife so iri ti lo Akilas; a du lo na sese ti Pon. Lo na wali ti lo Priscille alondo na Italii si ala ga fafadeso, ngbanga ti so kota gbia Claude amu mbeni mbela titene azuife kue alondo na gbata ti Rome. Paul ague, abaa Akilas na wali ti lo

Awatokua 18:23

So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Awatokua 2:11

ambeni alondo na Krete nga na Arabii. E so kue e yeke ge, azuife na ambeni zo so ayeke bata *Ndia ti Moïse, e yeke ma ala na taa ayanga ti kodro ti e; ala yeke tene tënë ti akota ye so Nzapa asara!”

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 27:5

E fâ kota ngu-ingo, e hon na tere ti asese ti Silisii na Panfilii si e si na gbata ti Mira, na sese ti Lisii.

Awatokua 28:15

A-ita, azo ti Christ ti Rome ama tënë ti e, ala ga na lege ti e ngbii asi na Gara-ti-Apius nga na Ada-Ota-ti-Agene. So Paul abaa ala, lo mu singila na Nzapa si be ti lo akiri awara ngangu.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 6:9

Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

Rome 1:15

Ndani laa mbi yeke na nzara ti fa nga Nzoni Tënë na ala, ala so ayeke na Rome.

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

2 Timothée 1:17

me gi so lo si na Rome, lo gi lege ti mbi ngangu ngbii si lo wara mbi.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”