Awatokua 19:9 - Mbeti ti Nzapa - Tënë so amu fini

⁹ Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.

Awatokua 19:9 ပူးပေါင်းရင်းမြစ်များ

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Abia (Psaumes) 95:8

“Ala kpengba be ti ala pepe tongana ti so akotara ti ala asara ando na Meriba, tongana ti so akotara ti ala asara na lango so ala yeke na benyama ti Masa.

Amato 8:34

Ti lo nzoni, zo so ama mbi, zo so ayeke bata yanga ti da ti mbi lakue; lo yeke sara sanziri na tere ti yanga ti da ti mbi.

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 16:4

Azo ti fadeso ayeke azo ti sioni, ala yeke ma yanga ti Nzapa pepe! Ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe!” Na pekoni, Jésus azia ala na ndo so si lo mu lege, lo hon.

Matthieu 26:55

Na pekoni, Jésus atene na gba ti azo ni, atene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi! Lakue mbi yeke duti na ya ti kota da ti Nzapa ti fa ye, me ala gbu mbi pepe!

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Awatokua 11:26

So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 14:4

Popo ti azo ti gbata ni akangbi: ambeni amu mbage ti azuife si ambeni amu mbage ti *awatokua.

Awatokua 17:4

Ambeni zuife, ala na ambeni wali ti kota ndo na gba ti agreke so ayeke voro Nzapa, ala yeda na tënë ni si ala mu peko ti Paul na Silas.

Awatokua 19:23

Na ndembe ni so, kota wusuwusu alondo na Efeze ndali ti lege ti *Kota Gbia.

Awatokua 19:30

Paul aye ti gue na ya ti bongbi ti azo ni, me adisiple ake na lo.

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Awatokua 22:4

Mbi sara ngangu na azo so amu lege ti *Kota Gbia si ambeni awara kuâ. Mbi gbu akoli na awali si mbi bi ala na da ti kanga.

Awatokua 24:21

Na ndembe so mbi luti na gbe ti azo ti Kota Bongbi ti Fango Ngbanga, mbi dekongo, mbi tene: ‘Ala yeke fâ ngbanga na li ti mbi laso, ngbanga ti so mbi yeda na tënë ti zingongo ti akuâ!’ Ndali ti tënë oko so laa ala duti ti fâ ngbanga na li ti mbi laso?”

Awatokua 28:22

Me e ye ti ma na yanga ti mo wani ye so ayeke na be ti mo, ngbanga ti so e hinga, e tene, na ndo kue azo ayeke ke tënë ti bongbi so mo yeke na ya ni.”

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

Rome 11:7

Nyen? Ye so azo ti Israel agi, ala wara ni pepe, gi azo so Nzapa asoro ala laa awara ye ni. Me ti tanga ti azo ni, Nzapa asara si mango ya ti tënë ni aga ngangu na ala,

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

1 Korente 16:9

ngbanga ti so Nzapa azi na mbi nzoni lege ti sara kota kua kâ, me awato ayeke mingi.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Timothée 1:15

Mo hinga so azo ti sese ti Azii kue azia mbi awe; Fizele na Hermozene ayeke nga na popo ti ala.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

2 Pierre 2:12

Me sarango ye ti azo so ayeke tongana ti anyama so ahinga ndo pepe; anyama so a du ala gi titene azo agbu ala si afâ ala. Azo ni ayeke zonga ye so ala hinga nda ni pepe; fade ala yeke kui tongana anyama so.

2 Pierre 2:2

Fade azo mingi ayeke mu peko ti awafango-ye ti mvene so ti sara aye ti potopoto so ala yeke sara. Ndali ti azo tongaso, azo ayeke zonga lege ti taa-tënë.

Jude 1:10

Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.