Awatokua 19:36 - Mbeti ti Nzapa - Tënë so amu fini

³⁶ Zo oko alingbi ti bere tënë so pepe. Alingbi ala duti kpoo, ala sara ye ti kirikiri pepe.

Awatokua 19:36 ပူးပေါင်းရင်းမြစ်များ

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 25:8

Ye so mo baa na le ti mo, mo mu tënë ni hio ti gue na ni na gbe ti ngbanga pepe. Tongaso pepe, tongana zo so tënë ni abaa lo ague, abi kamene na le ti mo, fade mo yeke kiri ti sara nyen?

Abia (Psaumes) 106:33

ala sara si be ti lo aso mingi si lo tene tënë, lo gbu li ti lo pepe.

Awatokua 19:35

Wakuasu ti gbata ni awara lege ti sara si gba ti azo ni akai, lo tene: “A-ita ti mbi, azo ti Efeze, azo kue ahinga atene, gbata ti Efeze laa ayeke gbata ti Artemis, kota nzapa-wali nga na yanda ti lo so alondo na yayu ati na sese!

Awatokua 19:37

Ala ga na akoli so ge senge senge, akoli ni asara ye ti sioni na nzapa-wali ti e pepe, ala zonga nga lo pepe.

2 Timothée 3:4

Ala yeke azo ti kango amba ti ala, azo ti ngonzo, azo so baba ahon ndö ti ala; ala ye aye so anzere na ala ahon Nzapa;