Awatokua 19:32 - Mbeti ti Nzapa - Tënë so amu fini

³² Na ndembe ni so, li ti gba ti azo ni aga kirikiri: ambeni ayeke dekongo si ayeke tene ge nde, ambeni ayeke tene ti ala kâ nde. Mingi ti azo ni ahinga nda ti tënë so ala bongbi ndali ni pepe.

Awatokua 19:32 ပူးပေါင်းရင်းမြစ်များ

Awatokua 19:29

Wusuwusu amu ya ti gbata ni kue. Azo kue amu loro ti gue na kota ndo so azo ti gbata ni ayeke bongbi ka tere daa. Ala gbu Gaius na Aristarke, azo ti Masedoane use so amu peko ti Paul na ya ti tambula ti lo, ala gboto ala si ague na ala na kota ndo ni so.

Awatokua 19:31

Ambeni kota zo ti sese ti Azii so aye tënë ti Paul, ala nga atokua yanga na lo si ala voro lo ti gue kâ pepe.

Awatokua 19:40

Biani, ndali ti ye so asi laso so, fade a yeke bi tënë na li ti e atene, e laa e sara wusuwusu. Nda ti bongbingo tere ti e ni ayeke daa oko pepe, e lingbi nga ti wara mbeni tënë ti kiri na ni pepe.”

Awatokua 21:34

Me na popo ti azo ni, ambeni ayeke dekongo si ayeke tene ge nde, ambeni ayeke tene ti ala kâ nde. So wusuwusu ahon ndoni, lege titene kota komanda ti aturugu ni ahinga so mbirimbiri tënë ayeke daa pepe, lo mu yanga titene a mu Paul, ague na lo na ya ti gbagba ti aturugu.