Awatokua 19:25 - Mbeti ti Nzapa - Tënë so amu fini

²⁵ Lo bongbi azo ti kua ni na ambeni zo so ayeke sara mara ti kua ti ala ni so si lo tene na ala: “A-ita ti mbi, ala hinga so e yeke baa nzoni gi na lege ti kua so.

Awatokua 19:25 ပူးပေါင်းရင်းမြစ်များ

Osée 4:8

Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Awatokua 16:19

So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 19:24

Mbeni zo ti lekengo aye na lôro so iri ti lo Demetrius ayeke leke akete da ti nzapa-wali Artemis na wen ti nginza. Tongaso lo yeke futa azo ti kua ni na gba ti nginza.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Aye so Nzapa afa 18:3

Amara kue anyon vin ti lo, vin ti kota nzara ti aye ti ndumba so lo yeke sara. Agbia ti sese asara aye ti ndumba na lo, azo ti dengo buze ti sese aga azo ti mosoro gi na lege ti kota nzara ti warango ye ti lo.”