Awatokua 19:21 - Mbeti ti Nzapa - Tënë so amu fini

²¹ Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 19:21 ပူးပေါင်းရင်းမြစ်များ

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Awatokua 16:12

E londo na ndo so, e gue na Filipe, gbata so ayeke na ya ti kozo mbage ti sese ti Masedoane, azo ti Rome laa aleke gbata ni. E lango kete na ya ti gbata so.

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 19:22

Tongaso lo tokua na Masedoane Timothée na Eraste, ala so ayeke mu maboko na lo, me lo ngba ti lo kete na sese ti Azii.

Awatokua 19:29

Wusuwusu amu ya ti gbata ni kue. Azo kue amu loro ti gue na kota ndo so azo ti gbata ni ayeke bongbi ka tere daa. Ala gbu Gaius na Aristarke, azo ti Masedoane use so amu peko ti Paul na ya ti tambula ti lo, ala gboto ala si ague na ala na kota ndo ni so.

Awatokua 20:16

Biani, Paul aleke na be ti lo ti luti na Efeze pepe, tongaso si ngoi ahon lo na sese ti Azii pepe. Lo ye ti gue hio ti si na Jérusalem kozoni si lango ti *Pantekote alingbi, tongana lege ayeke daa.

Awatokua 20:22

Fadeso, mbi yeke gue na Jérusalem tongana ti so Yingo-Vuru agbu mbi na ngangu ti gue. Mbi hinga ye so ayeke si na mbi kâ pepe.

Awatokua 21:17

So e si na Jérusalem awe, a-ita, azo ti Christ ayamba e na ngia.

Awatokua 21:4

E wara adisiple kâ si e na ala, e duti na ya ti yenga oko. Yingo-Vuru apusu ala ti tene na Paul ti gue na Jérusalem pepe.

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 27:1

So a mu yanga titene e mu mangboko ti gue na Italii, a mu Paul na ambeni zo ti kanga, a zia ala na maboko ti mbeni kapita ti aturugu so iri ti lo Yulius, kapita ti bongbi ti aturugu so a iri ni “Bongbi ti aturugu ti kota gbia.”

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Awatokua 28:16

So e si na Rome, a mu lege na Paul ti lango na ya ti mbeni senge da nde; a zia mbeni turugu oko na tere ti lo ti bata lo.

Rome 1:11

Biani, nzara ti bango ala agbu mbi mingi si mbi lingbi ti kangbi na ala matabisi so aga na lege ti Yingo-Vuru, tongaso si ala kpengba.

Rome 1:13

A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.

Rome 1:15

Ndani laa mbi yeke na nzara ti fa nga Nzoni Tënë na ala, ala so ayeke na Rome.

1 Korente 16:5

Mbi yeke hon na mbage ti sese ti Masedoane ti si na ala kâ; mbi yeke fâ ya ti sese ti Masedoane ti hon.

1 Korente 4:19

Me tongana Kota Gbia ayeda, fade mbi yeke si na ala kâ fafadeso. Tongana mbi si ande, mbi ye ti ma tënë ti azo ti baba so pepe, me mbi ye ti baa ngangu ti ala ti sarango na ye.

2 Korente 10:16

Na pekoni, e yeke gue na Nzoni Tënë na ya ti ambeni kodro so ayeke na peko ti ala kâ. Tongaso si ndo so ambeni zo asara kua daa kozoni awe, e ye ti kiri ti sara kua na ndo so pepe; kua so ambeni zo asara ni, e ye nga ti gonda tere ti e ndali ni pepe.

Galasii 2:1

Ngu baleoko na osio na pekoni, mbi kiri mbi gue na Jérusalem, mbi na Barnabas; mbi mu nga Tite na tere ti mbi.

1 Tesalonike 1:7

Tongaso, ala ga tapande ndali ti azo ti Masedoane na ti Akayi so ama na be.