Awatokua 19:2 - Mbeti ti Nzapa - Tënë so amu fini

² lo hunda ala, lo tene: “So ala ma na be so, ala wara Yingo-Vuru awe?” Ala kiri tënë na lo: “E ma tënë ti Yingo-Vuru laoko pepe!”

Awatokua 19:2 ပူးပေါင်းရင်းမြစ်များ

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

Awatokua 10:44

So Pierre angba ti tene tënë, Yingo-Vuru azu na ndö ti azo so kue ayeke ma tënë ni.

Awatokua 19:5

Na peko ti tënë so ala ma, azo ni awara bateme na iri ti *Kota Gbia Jésus.

Awatokua 2:17

‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

Rome 1:11

Biani, nzara ti bango ala agbu mbi mingi si mbi lingbi ti kangbi na ala matabisi so aga na lege ti Yingo-Vuru, tongaso si ala kpengba.

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

Galasii 3:5

Nzapa ayeke mu na ala Yingo ti lo si lo yeke sara aye ti kpene na popo ti ala! Lo yeke sara aye so kue ndali ti so ala sara ye alingbi na Ndia wala ndali ti so ala ma Nzoni Tënë si ala ma na be na ni?

1 Samuel 3:7

Samuel ade ti hinga KOTA GBIA pepe, tënë ti yanga ti KOTA GBIA ade ti si na lo laoko pepe.