Awatokua 19:19 - Mbeti ti Nzapa - Tënë so amu fini

¹⁹ Azo mingi so ayeke sara ye ti mazi abongbi abuku ti ala aga na ni si ala gbi ni na le ti azo kue. A diko ngere ti abuku ni kue si alingbi na ale ti nginza saki baleoku.

Awatokua 19:19 ပူးပေါင်းရင်းမြစ်များ

Tongo nda ti aye 35:4

Tongaso azo ni amu na Jacob anzapa ti akodro wande so ala yeke na ni, nga na *akati so ayeke na mê ti ala. Jacob amu ni si lo lu ni na gbe ti kota keke so ayeke nduru na Sishem.

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

2 Mbai 33:6

Lo gbi amolenge ti lo ti koli na wâ ti mu na *sandaga na ndo so ayeke na popo-hoto ti Hinom; lo gi nda ti aye, lo sara mazi, lo sara yoro; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

Sigingo 32:20

Moïse amu yanda ti bagara so azo ni asara so, lo gbi na wâ, lo nika ni si aga fuku. Lo tuku fuku ni na le ti ngu si lo mu ngu ni na azo ti Israel titene ala nyon.

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Sigingo 7:22

Me azo ti mazi ti Ezipte asara gi mara ti ye so na lege ti mazi ti ala. Be ti Faraon angba ti kpengba, lo ma Moïse na Aaron pepe, alingbi na tënë so KOTA GBIA atene.

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Awayango-sandaga 13:52

Tongaso wayango-sandaga ayeke gbi bongo ni, mapia-bongo ni nga na bongo so a sara na kua ti tere ti taba wala na len si a kpo ni kpongo so, wala ye so kue a sara na poro ti nyama. A yeke gbi aye ni, ngbanga ti so asioni gugu so asigigi daa so ayeke gbu tere ti ye biani biani.

Nzoni Tënë so Luc asu na mbeti 14:33

Legeoko tongaso, na popo ti ala, zo so azia aye ti lo kue pepe, lo lingbi ti duti disiple ti mbi pepe.”

Nzoni Tënë so Luc asu na mbeti 15:8

“Tongana mbeni wali ayeke na ale ti nginza baleoko si mbeni oko agirisa, lo yeke zia wâ na ya ti lamba, lo balee ya ti da ti gi ni ngbii lo wara ni si pepe?

Awatokua 13:6

Ala fâ, ahon na ya ti zoa ni kue si ala si na Pafos. Kâ, ala wara mbeni zo ti mazi so iri ti lo Bar-Jésus, mbeni zuife so atene, ni yeke Wayanga-Nzapa.

Awatokua 13:8

Me Elimas – iri ti zo ti mazi so na yanga ti greke laa – aye ti kanga lege na ala, lo gi lege ti sara si govoronere ni ama na be pepe.

Awatokua 19:18

Azo mingi so ama na be aga si ala fa na le ti azo kue aye ti sioni so ala sara.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.