Awatokua 19:17 - Mbeti ti Nzapa - Tënë so amu fini

¹⁷ Azo ti gbata ti Efeze, azuife na azo ti amara nde ama tënë ti ye so; mbeto agbu ala kue si ala sepela iri ti *Kota Gbia Jésus.

Awatokua 19:17 ပူးပေါင်းရင်းမြစ်များ

2 Samuel 6:9

Na lango ni so mbeto ti KOTA GBIA asara David, lo tene: “Sanduku ti KOTA GBIA alingbi ti ga na ndo ti mbi tongana nyen?”

Abia (Psaumes) 64:9

Tënë ti yanga ti ala akiri na ndö ti ala wani. Azo so kue abaa ala, ayeke yingi li ti ala.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Nzoni Tënë so Luc asu na mbeti 1:65

Tongaso, mbeto agbu azo ti tere ti da ti lo kue. Na ya ti ahoto ti Judée, azo kue ayeke tene tënë ti aye so asi so.

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Awatokua 13:12

So govoronere ni abaa ye so asi, lo ma na be. Biani, tënë ti Kota Gbia so lo ma agbu be ti lo mingi.

Awatokua 18:19

Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 19:16

Koli so ayeke na sioni yingo ni ati na ndö ti ala si lo hon ndö ti ala na ngangu. Lo sara sioni mingi na ala si ala londo na loro na da ti lo, bongo azi na tere ti ala, tere ti ala kue gi ka.

Awatokua 19:18

Azo mingi so ama na be aga si ala fa na le ti azo kue aye ti sioni so ala sara.

Awatokua 2:43

Awatokua asara aye ti dongo be mingi na aye ti kpene si mbeto agbu azo kue.

Awatokua 5:11

Azo ti *Eglize ni kue na azo so kue ama tënë ti ye so, mbeto agbu ala mingi.

Awatokua 5:13

Mbeni zo nde ti bongbi na ala ayeke daa pepe, me azo ni ayeke tene nzoni tënë ti ala mingi.

Awatokua 5:5

So Ananias ama tënë so, lo ti si lo kui. Azo so kue ama tënë ti ye so, mbeto agbu ala mingi.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

2 Tesalonike 1:12

Tongaso, fade ala yeke sara si iri ti Kota Gbia ti e Jésus awara gonda, lo yeke sara si ala nga awara gonda. Ye so nzoni be ti Nzapa ti e na ti Kota Gbia Jésus Christ ayeke sara laa.

2 Tesalonike 3:1

Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.

1 Samuel 6:20

Azo ti Bet-Shemesh atene: “Zo wa laa alingbi ti luti na le ti KOTA GBIA, Nzapa so ayeke nde si ayeke nzoni kue so? Fade e yeke tokua sanduku ti mbuki ni na ndo ti zo wa titene ahon yongoro na tere ti e?”