Awatokua 19:13 - Mbeti ti Nzapa - Tënë so amu fini

¹³ Ambeni zuife so ayeke fono na ya ti akodro nde nde ti tumba asioni yingo amu nga iri ti Jésus ti tumba na asioni yingo na tere ti azo. Ala yeke tene na asioni yingo, ni atene: “Na iri ti Jésus so Paul ayeke fa tënë ti lo, mbi mu yanga na ala, ala sigigi!”

Awatokua 19:13 ပူးပေါင်းရင်းမြစ်များ

Tongo nda ti aye 4:12

Tongana mo de sese ti lu kobe daa, sese ni ayeke le kobe mingi pepe. Fade da ti li ti mo ayeke duti daa pepe; mo yeke tambula gi kirikiri na ndö ti sese.”

Tongo nda ti aye 4:14

Tongana mo tumba mbi na ndö ti sese so, fade mbi yeke honde tere ti mbi yongoro na le ti mo. Da ti li ti mbi ayeke duti daa pepe; mbi yeke tambula gi kirikiri na ndö ti sese. Fade zo so kue ayeke wara mbi ayeke fâ mbi.”

1 Agbia 22:16

Me gbia atene na lo: “Fani oke laa mbi lingbi ti hunda na mo titene mo deba yanga ti mo ti tene na mbi gi taa-tënë na iri ti KOTA GBIA?”

Abia (Psaumes) 109:10

amolenge ti lo aga agodobe, azo ti iringo ye! Ayeke nzoni ala iri ye yongoro na ada ti lango ti ala so abuba kue so!

Matthieu 12:27

Tongana mbi yeke tumba asioni yingo na ngangu ti Beelzebul, azo ti ala ayeke tumba ti ala asioni yingo na ngangu ti zo wa? Gi azo ti ala laa ayeke fa na gigi so tënë ti ala ayeke na legeni pepe!

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Marc 5:7

si lo dekongo ngangu, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi hunda mo na iri ti Nzapa, sara sioni na mbi pepe!”

Marc 9:38

Jean atene na Jésus: “Wafango-ye, e baa mbeni zo so ayeke tumba asioni yingo na iri ti mo si e ye ti kanga lege na lo, ngbanga ti so lo yeke zo ti e pepe.”

Nzoni Tënë so Luc asu na mbeti 11:19

Tongana mbi yeke tumba asioni yingo na ngangu ti Beelzebul, azo ti ala ayeke tumba ti ala asioni yingo ni na ngangu ti zo wa? Gi azo ti ala laa ayeke fa ande na gigi so ala yeke sara ye na legeni pepe!

Nzoni Tënë so Luc asu na mbeti 9:49

Jean amu tënë si atene na lo: “Kota zo, e baa mbeni zo ayeke tumba asioni yingo na iri ti mo si e ye ti kanga lege na lo, ngbanga ti so lo mu peko ti mo tongana e pepe.”

Awatokua 19:14

Mbeni kota wayango-sandaga ti azuife so iri ti lo Seva ayeke na amolenge-koli mbarambara; ala laa ayeke sara ye ni so.

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

Josué 6:26

Na ngoi ni so, Josué adeba yanga ti lo, atene: “Deba ti KOTA GBIA aga na li ti zo so ayeke londo ti kiri ti leke gbata ti Jéricho so! Lo yeke futa lekengo gere ti gbata ni na fini ti kozo molenge ti lo; lo yeke futa nga lekengo ayanga ti gbata ni na fini ti tanga ti molenge ti lo.”

1 Samuel 14:24

Na lango ni so, azo ti Israel abaa pasi mingi. Andaa Saul adeba ala, atene: “Tongana mbeni zo ate kobe kozoni si lâ akui, kozoni titene mbi sara sioni na awato ti mbi, deba aga na ndö ti lo!” Nilaa, zo oko azia mbeni ye na yanga ti lo pepe.