Awatokua 18:3 - Mbeti ti Nzapa - Tënë so amu fini

³ si lo ngba na ndo ti ala, ngbanga ti so kua ti lo na kua ti ala ayeke legeoko: ala yeke azo ti sarango ada ti bongo.

Awatokua 18:3 ပူးပေါင်းရင်းမြစ်များ

2 Agbia 6:2

Zia lege na e titene e gue na yanga ti ngu ti Jourdain, zo oko oko ade keke si e ga, e leke na mbeni gbefa titene e duti na gbe ni.” Élisée akiri tënë: “Ala gue ma!”

1 Korente 4:12

E yeke wara kobe ti yanga ti e na gbiki ti li ti e. Azo ayeke zonga e, me e yeke sara tufa na ndö ti ala; azo ayeke sara ngangu na e, me e yeke kanga be ti e;

1 Korente 9:14

Legeoko nga, Kota Gbia amu yanga atene, azo so ayeke fa Nzoni Tënë, alingbi ala wara aye ti ala gi na lege ti fango Nzoni Tënë.

1 Korente 9:15

Ataa so mbi lingbi fade ti hunda ye na maboko ti ala, mbi sara ni pepe, mbi yeke su nga mbeti so na ala ti hunda ye pepe. Titene mbi kui, ayeke fade nzoni ahon titene mbi hunda ye na ala. Nda ni so mbi yeke pika kate ti mbi laa, mbeni zo alingbi ti zi ni pepe!

1 Korente 9:18

Tongaso, futa ti mbi ayeke nyen? Futa ti mbi ayeke ti fa Nzoni Tënë na azo gi senge senge. Ataa so Nzoni Tënë amu na mbi lege fade ti hunda ye na maboko ti ala, mbi sara so pepe.

2 Korente 11:7

So mbi sara tere ti mbi kete ti fa Nzoni Tënë ti Nzapa na ala gi senge senge ti sara si ala ga akota zo so, andaa sioni laa mbi sara so?

2 Korente 11:9

Na ngoi so mbi yeke lani na popo ti ala kâ, tongana mbeni ye atia mbi, mbi te ye ti mbeni zo senge senge pepe. A-ita so alondo na Masedoane si aga, ala mu na mbi aye so kue alingbi na mbi. Na ya ti aye kue, mbi bata tere ti mbi titene mbi ga tongana kungba na ndö ti zo oko pepe, mbi yeke ngba ti bata tere ti mbi lakue tongaso.

2 Korente 12:13

Nyen laa ambeni *Eglize awara si ala wara ti ala pepe so? Gi ye so mbi sara na ala pepe, ayeke so mbi ga tongana kungba na ndö ti ala pepe. Ala zi tënë na li ti mbi ndali ti sioni so mbi sara so!

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

1 Tesalonike 4:11

Ala gi lege ngangu ti duti na siriri, zo oko oko abaa lege ti akua ti lo wani, ala gi kobe ti yanga ti ala na lege ti kua ti maboko ti ala, alingbi na yanga so e mu na ala.