Awatokua 18:21 - Mbeti ti Nzapa - Tënë so amu fini

²¹ So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 18:21 ပူးပေါင်းရင်းမြစ်များ

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Marc 6:46

So lo zia lege na ala si ala gue awe, lo gue na li ti mbeni hoto ti sambela.

Nzoni Tënë so Luc asu na mbeti 9:61

Mbeni akiri atene na lo: “Fade mbi yeke mu peko ti mo, me mo zia mbi gue, mbi bara asewa ti mbi si.”

Awatokua 15:29

nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

Awatokua 18:19

Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 18:20

Azo ni ahunda na lo ti ngba na popo ti ala aninga, me lo ke.

Awatokua 18:24

Na ndembe ni so, mbeni zuife so a du lo na gbata ti Aleksandrii so iri ti lo ayeke Apolos asi na Efeze. Lo yeke mbeni zo so ayeke tene tënë nzoni mingi si lo hinga nga Mbeti ti Nzapa nzoni mingi.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 19:17

Azo ti gbata ti Efeze, azuife na azo ti amara nde ama tënë ti ye so; mbeto agbu ala kue si ala sepela iri ti *Kota Gbia Jésus.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 20:16

Biani, Paul aleke na be ti lo ti luti na Efeze pepe, tongaso si ngoi ahon lo na sese ti Azii pepe. Lo ye ti gue hio ti si na Jérusalem kozoni si lango ti *Pantekote alingbi, tongana lege ayeke daa.

Awatokua 21:14

So e ha lo gbaa titene lo ngba, e zia lo si e tene: “Ayeke nzoni Kota Gbia asara ye so be ti lo aye!”

Awatokua 21:29

Ala tene tënë so, ngbanga ti so ala baa Trofime, zo ti Efeze na tere ti Paul na ya ti gbata ni; ala baa ti ala atene, Paul ali na lo na ya ti kota da ti Nzapa ni awe.

Rome 1:10

na ya ti asambela ti mbi, mbi yeke hunda titene, tongana be ti lo aye, lo zi na mbi lege ti si na ndo ti ala.

Rome 15:32

Tongaso, tongana Nzapa ayeda, fade mbi lingbi ti si na ala kâ na ngia si mbi duti na popo ti ala ti wu tere ti mbi kete.

1 Korente 15:32

Tongana mbi zia be ti mbi gi na ndö ti tënë ti azo, nda ti tiri so mbi tiri na azo so ayeke tongana asioni nyama ti ngonda na gbata ti Efeze so ayeke nyen? Tongana akuâ ayeke zingo pepe, tongana ti so ambeni zo ayeke tene: “E te, e nyon, ngbanga ti so kekereke, e yeke kui ti e kuingo.”

1 Korente 16:7

Mbi ye ti si gi ti baa ala ti hon pepe, me mbi ye ti duti na ala kete, tongana *Kota Gbia ayeda.

1 Korente 16:8

Me mbi yeke ngba ande na gbata ti Efeze ngbii lango ti *Pantekote alingbi si,

1 Korente 4:19

Me tongana Kota Gbia ayeda, fade mbi yeke si na ala kâ fafadeso. Tongana mbi si ande, mbi ye ti ma tënë ti azo ti baba so pepe, me mbi ye ti baa ngangu ti ala ti sarango na ye.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Ndia ti fani use ni 16:1

Moïse atene: Na nze ti Abib, fade ala yeke sara *matanga ti Pake ndali ti *KOTA GBIA Nzapa ti ala, ngbanga ti so na nze so laa KOTA GBIA Nzapa ti ala asara si ala sigigi na sese ti Ezipte na bi.

Ahebro 6:3

Tongana Nzapa ayeda, ye so e yeke sara ande laa.

Jacques 4:15

Tënë so ala lingbi fade ti tene ayeke so: “Tongana *Kota Gbia ayeda si e ngba na fini, fade e yeke sara ye tongaso, wala ye tongaso.”

1 Pierre 3:17

Tongana Nzapa aye titene ala baa pasi ndali ti sarango nzoni ye, so laa ayeke nzoni ahon titene ala baa pasi ndali ti sarango sioni ye.

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene: