Awatokua 18:2 - Mbeti ti Nzapa - Tënë so amu fini

² Kâ, lo wara mbeni zuife so iri ti lo Akilas; a du lo na sese ti Pon. Lo na wali ti lo Priscille alondo na Italii si ala ga fafadeso, ngbanga ti so kota gbia Claude amu mbeni mbela titene azuife kue alondo na gbata ti Rome. Paul ague, abaa Akilas na wali ti lo

Awatokua 18:2 ပူးပေါင်းရင်းမြစ်များ

Awatokua 11:28

Mbeni oko so iri ti lo Agabus alondo, lo tene na azo ye so Yingo-Vuru afa na lo, lo tene: “Fade mbeni kota nzara ayeke ga na ndö ti sese kue.” – Nzara ni aga biani na ndembe so Claude ayeke kota gbia ti Rome. –

Awatokua 18:18

Paul angba na Korente aninga. Na pekoni, lo zia a-ita, azo ti Christ si lo mu mangboko ti gue na sese ti Sirii, lo na Priscille na Akilas. Kozo titene lo londo na gbata ti Sankre ti hon, lo kio kua ti li ti lo, ngbanga ti so lo deba yanga ti lo na le ti Nzapa.

Awatokua 18:26

Lo gue na ya ti da ti sambelango Nzapa si lo to nda ti tene tënë na mbeto pepe. So Priscille na Akilas ama lo, ala mu lo na da ti ala si ala kiri afa na lo lege ti Kota Gbia mbirimbiri ahon ti so lo hinga kozoni.

Awatokua 2:9

E so e londo na Parte, na Medii, na Elam, na Mezopotamii, na Judée, na Kapadose, na Pon, na Azii,

Awatokua 27:1

So a mu yanga titene e mu mangboko ti gue na Italii, a mu Paul na ambeni zo ti kanga, a zia ala na maboko ti mbeni kapita ti aturugu so iri ti lo Yulius, kapita ti bongbi ti aturugu so a iri ni “Bongbi ti aturugu ti kota gbia.”

Awatokua 27:6

Na ndo so, kapita ti aturugu ni awara mbeni mangboko ti Aleksandrii so ayeke gue na Italii si lo zia e na ya ni.

1 Korente 16:19

*A-Eglize so ayeke na sese ti Azii abara ala. Akilas na Priscille, na azo ti Eglize so ayeke bongbi na da ti ala abara ala mingi na iri ti Kota Gbia so asara si e na ala e ga oko.

2 Timothée 4:19

Mo bara na mbi Priscille na Akilas nga na azo ti sewa ti Onezifore.

Ahebro 13:24

Ala bara azo ti li ti *Eglize ti ala kue nga na azo ti Nzapa kue. Ala so ayeke ti kodro ti Italii abara ala.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.