Awatokua 18:18 - Mbeti ti Nzapa - Tënë so amu fini

¹⁸ Paul angba na Korente aninga. Na pekoni, lo zia a-ita, azo ti Christ si lo mu mangboko ti gue na sese ti Sirii, lo na Priscille na Akilas. Kozo titene lo londo na gbata ti Sankre ti hon, lo kio kua ti li ti lo, ngbanga ti so lo deba yanga ti lo na le ti Nzapa.

Awatokua 18:18 ပူးပေါင်းရင်းမြစ်များ

Wungo ti azo 6:18

Na pekoni, nazir ni ayeke kio kua ti li ti lo na yanga ti da ti bongo so KOTA GBIA na azo ti lo ayeke wara tere daa. Lo yeke mu kua ti li ti lo ni si lo yeke bi ni na ya ti wâ so ayeke za na gbe ti sandaga ti beoko.

Wungo ti azo 6:2

“Tene na azo ti Israel, mo tene: Tongana mbeni koli wala mbeni wali ayeda ti deba yanga ti lo ti ga nazir ti sara gi kua ti KOTA GBIA,

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Marc 6:46

So lo zia lege na ala si ala gue awe, lo gue na li ti mbeni hoto ti sambela.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 18:2

Kâ, lo wara mbeni zuife so iri ti lo Akilas; a du lo na sese ti Pon. Lo na wali ti lo Priscille alondo na Italii si ala ga fafadeso, ngbanga ti so kota gbia Claude amu mbeni mbela titene azuife kue alondo na gbata ti Rome. Paul ague, abaa Akilas na wali ti lo

Awatokua 18:26

Lo gue na ya ti da ti sambelango Nzapa si lo to nda ti tene tënë na mbeto pepe. So Priscille na Akilas ama lo, ala mu lo na da ti ala si ala kiri afa na lo lege ti Kota Gbia mbirimbiri ahon ti so lo hinga kozoni.

Awatokua 18:27

Lo leke be ti lo ti gue na Akayi, nilaa a-ita, azo ti Christ ti Efeze ayeda si ala sara mbeti na adisiple titene ala yamba lo nzoni. So lo si kâ, na lege ti nzoni be ti Nzapa, lo mu maboko mingi na azo so ama na be.

Awatokua 21:23

Ayeke nzoni mo sara ye so e yeke hunda na mo: e yeke na azo osio ge so adeba yanga ti ala.

Awatokua 21:24

Mu ala, mo gue na ala si mo na ala *asukula asioni ti ala, mo futa aye kue ndali ti ala, na pekoni ala lingbi ti kio kua ti li ti ala. Tongaso, fade azo kue ayeke hinga atene, atënë so azo atene na iri ti mo so ayeke taa-tënë pepe, me mo nga, mo yeke bata ndia ti Moïse.

Awatokua 21:3

E si nduru na zoa ti Shipre; e ngba na ya ti mangboko si e yeke baa zoa ni. E zia ni si e sua na mbage ti Mbongo ti gue na sese ti Sirii. E gue, e si na yanga ti ngu ti gbata ti Tir, ngbanga ti so mangboko ni aye ti zia kâ akungba so lo yo ni.

Rome 16:1

Mbi hunda na ala ti yamba Febe, ita ti e ti wali, lo yeke *diakre na *Eglize ti Sankre.

1 Korente 9:20

Tongana mbi yeke na popo ti azuife, mbi yeke sara ye tongana zuife titene mbi wara azuife. Tongana mbi yeke na popo ti azo so ayeke na gbe ti Ndia ti Moïse, mbi yeke sara ye tongana zo so ayeke na gbe ti Ndia ni, ataa so mbi yeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni.

Galasii 1:21

Na pekoni, mbi gue na sese ti Sirii na ti Silisii.