Awatokua 18:15 - Mbeti ti Nzapa - Tënë so amu fini

¹⁵ Me ndali ti so ayeke apapa na ndö ti atënë senge, na ti a-iri, na tënë ti ndia ti ala wani, tënë ni abaa gi ala! Mbi yeke fâ mara ti ngbanga tongaso pepe!”

Awatokua 18:15 ပူးပေါင်းရင်းမြစ်များ

Matthieu 27:24

So Pilate abaa atene, ni ha gbaa si wusuwusu ayeke gue guengo na nduzu, lo mu ngu si lo sukula maboko ti lo na le ti azo kue; lo tene na ala: “Ngbanga ti kuâ ti koli so ayeke na li ti mbi pepe! So abaa gi ala wani!”

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

Jean 18:31

Pilate atene na ala: “Ala mu lo, ala wani afâ ngbanga na li ti lo na lege ti ndia ti ala.” Ala kiri tënë: “A mu lege na e ti fâ zo pepe.”

Awatokua 18:13

ala tene: “Koli so ayeke gi lege ti handa azo titene ala voro Nzapa na mbeni lege so *Ndia ti e ake ni!”

Awatokua 23:29

Mbi baa so lo sara nga mbeni ye so alingbi na kuâ wala na kanga pepe. Tënë so ala yeke bi na li ti lo ayeke gi na ndö ti tënë ti ndia ti ala wani.

Awatokua 25:11

Tongana mbi sara mbeni ye so ake ndia si mbi sara mbeni ye so alingbi titene a fâ mbi ndali ni, mbi yeke kpe kuâ ni pepe. Me tongana taa-tënë oko ayeke na ya ti atënë so ala bi na li ti mbi so pepe, zo oko alingbi ti zia mbi na maboko ti ala pepe. Mbi ye ti gue na ngbanga ni na gbe ti kota gbia ti Rome!”

Awatokua 25:19

Ala yeke papa na popo ti ala gi na ndö ti tënë ti lege ti vorongo Nzapa ti ala wani nga na ndö ti mbeni koli so iri ti lo Jésus. Lo kui awe, me Paul atene lo yeke na fini.

Awatokua 26:3

Biani, mo hinga lege ti sarango aye ti azuife na atënë so alondo na popo ti ala kue. Tongaso mbi hunda na mo ti kanga be ti mo ti ma mbi.

1 Timothée 1:4

Mo ke nga na ala titene ala zia be ti ala na ndö ti ambai ti mvene wala na dikongo a-iri ti akotara gbani gbani. Aye so ayeke ga na *bingbingo tënë na popo ti azo, me nzoni lege so Nzapa aleke ndali ti zo, ala lingbi ti hinga ni na lege ti aye so pepe. Zo ayeke hinga nzoni lege ni gi na lege ti mabe.

1 Timothée 6:4

andaa baba ahon ndö ti lo, lo hinga ye pepe. Lo yeke na kobela ti *bingbingo tënë na ti papa ndali ti lege so azo ayeke di iri ti aye. Aye tongaso ayeke du sarango nzara ti ye ti zo, papa, zongango ndo, bango zo tongana sioni zo senge senge

2 Timothée 2:23

Me mo ke abuba tënë na atënë ti kirikiri: hinga so, amara ti atënë tongaso ayeke ga gi na papa na popo ti azo.

Tite 3:9

Me mo kpe lege ti gingo nda ti asenge senge tënë: tënë ti nda ti mara ti azo, apapa na *abingbingo tënë na ndö ti atënë ti *Ndia. Aye so kue ayeke senge senge, zo alingbi ti wara ye daa pepe.