Awatokua 17:5 - Mbeti ti Nzapa - Tënë so amu fini

⁵ Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni.

Awatokua 17:5 ပူးပေါင်းရင်းမြစ်များ

Abia (Psaumes) 35:15

Me so mbi ti awe, ala bongbi tere ti ala ti he mbi; awande, azo so mbi hinga ala pepe, ala bongbi tere ti ala ti dekongo na li ti mbi lakue.

Abia (Psaumes) 69:12

Mbi yu bongo ti mua, mbi ga ye ti ngia ti ala.

Amato 14:30

Be so ayeke na siriri ayeke mu nzoni tere na zo; me sarango mbanda ayeke tongana mbeni sioni kobela so ayeke te zo na ya ti bio.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Matthieu 27:18

Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.

Awatokua 14:2

Me ambeni zuife so ake ti ma na be apusu ambeni zo ti amara nde titene be ti ala aga sioni na tere ti a-ita.

Awatokua 17:13

Me so azuife ti Tesalonike ama a tene, Paul ayeke fa nga tënë ti Nzapa na Bere, ala ga na ya ti gbata ni ti bi tomboka na li ti gba ti azo ni titene ala sara wusuwusu.

Awatokua 17:6

So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe.

Awatokua 17:7

Yason ayamba ala na da ti lo! Azo so kue ayeke sara ye so ake andia ti kota gbia ti Rome; ala tene, mbeni gbia nde ayeke daa, iri ti lo Jésus.”

Awatokua 17:9

Akota zo ti gbata ni ahunda na Yason na amba ti lo ti futa mbeni nginza kozoni si a zi ala.

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 19:40

Biani, ndali ti ye so asi laso so, fade a yeke bi tënë na li ti e atene, e laa e sara wusuwusu. Nda ti bongbingo tere ti e ni ayeke daa oko pepe, e lingbi nga ti wara mbeni tënë ti kiri na ni pepe.”

Awatokua 7:9

“Akotara ti e asara kota be na tere ti Joseph, ala ka lo si lo ga ngbaa na kodro ti Ezipte. Me Nzapa ayeke na lo.

Rome 16:21

Timothée, mba ti mbi so mbi na lo, e yeke sara kua abara ala. Lusius, Yason na Sosipater, azo ti sewa ti mbi nga abara ala.

1 Korente 3:3

ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

2 Korente 11:26

Mbi tambula na gere mingi, aye ti sioni ahara mbi lege mingi: *abale asuku amu ndo kue, asioni zo, azo ti mara ti mbi na azo ti amara nde aye ti sara sioni na mbi; na ya ti agbata, na ya ti abenyama nga na le ti kota ngu-ingo, aye ti sioni aye ti si na mbi, a-ita ti mvene aye ti sara sioni na mbi.

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

Galasii 5:26

E sara kuru baba pepe! E gi yanga ti amba ti e pepe, e sara kota be na popo ti e pepe!

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.

Awafango-ngbanga 9:4

Tongaso ala mu na Abimelek ale ti nginza balembarambara so ayeke na ya ti da ti nzapa Baal-Berit. Lo mu nginza so, lo futa na agodobe nga na azo ti kirikiri titene ala mu peko ti lo.