Awatokua 17:29 - Mbeti ti Nzapa - Tënë so amu fini

²⁹ So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo.

Awatokua 17:29 ပူးပေါင်းရင်းမြစ်များ

2 Agbia 19:18

Agbia ni abi anzapa ti azo ni na le ti wâ. Andaa anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Abia (Psaumes) 106:20

Ala zia Nzapa, lo so lo yeke gonda ti ala ti voro limo ti bagara so ayeke te gi pere.

Sigingo 20:4

“Alingbi mo sara mbeni yanda ndali ti mo pepe, wala mbeni ye so akpa ye so ayeke na le ti nduzu, wala ye so ayeke na ndö ti sese, wala ye so ayeke na ya ti ngu na gbe ti sese.

Sigingo 32:4

Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!”

Ésaïe 40:25

Nzapa so ayeke nde si ayeke nzoni kue ahunda ndo, atene: “Ala haka mbi na zo wa? Zo wa laa alingbi na mbi, zo wa?”

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.