Awatokua 17:28 - Mbeti ti Nzapa - Tënë so amu fini

²⁸ Biani, ‘Na lege ti lo laa e yeke na fini, e yeke tambula si e yeke daa.’ “Ambeni zo ti ala so ayeke azo ti sungo mbeti na kode, atene: ‘E nga, e yeke amolenge ti lo.’

Awatokua 17:28 ပူးပေါင်းရင်းမြစ်များ

Mbeti ti Job 12:10

Aye so kue ayeke na fini, fini ti ala ayeke na maboko ti lo; pupu so zo ayeke wu ayeke na maboko ti lo.

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Abia (Psaumes) 66:9

Lo so lo sara si e ngba na fini, lo sara si e pika gere ti e ti ti pepe.

Jérémie 38:16

Me gbia Sedesias adeba yanga ti lo na hondengo ni na Jérémie, atene: “KOTA GBIA ayeke na fini! Lo so lo mu na e fini, fade mbi yeke fâ mo pepe. Azo so aye gi kuâ ti mo so, mbi yeke zia mo na maboko ti ala pepe.”

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Nzoni Tënë so Luc asu na mbeti 20:38

Jésus akiri atene: “Nzapa ayeke Nzapa ti akuâ pepe, me lo yeke Nzapa ti azo so ayeke na fini, ngbanga ti so ala kue ayeke na fini ndali ti lo.”

Nzoni Tënë so Luc asu na mbeti 3:38

Kenan ayeke molenge ti Enos; Enos ayeke molenge ti Set; Set ayeke molenge ti Adam; Adam ayeke molenge ti Nzapa.

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 5:26

Babâ ni ayeke na ngangu ti mu fini na zo, Molenge ni nga ayeke na ngangu ti mu fini na zo, ngbanga ti so Babâ amu na lo ngangu ni awe.

Ndia ti fani use ni 30:20

Ala ye KOTA GBIA Nzapa ti ala, ala ma yanga ti lo, ala ngba gi na tere ti lo. Lo laa lo yeke mu fini na ala, lo yeke sara si gigi ti ala ague, ayo si ala duti na sese so KOTA GBIA adeba yanga ti lo ti mu na akotara ti ala Abraham, Isaac na Jacob.

Kolose 1:17

Christ ayeke ando daa kozoni na ye kue, ye kue angba ti duti gi na lege ti lo.

Tite 1:12

Mbeni zo oko na popo ti ala, mbeni wayanga-nzapa ti ala wani atene: “Azo ti Krete ayeke tene gi mvene lakue, ala yeke asioni nyama, ala yeke azo ti sopo so ayeke te kobe gi na mbana.”

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 12:9

Ababâ ti e ti sese so ayeke pika ka e ti kiri na e na nzoni lege si e yeke kpe mbeto ti ala. Tongaso, ayeke nzoni ahon titene e ma yanga ti Babâ ti e so ayeke na yayu si e duti na fini.

Ahebro 2:11

Lo so ayeke zia azo nde ndali ti Nzapa, lo na azo ni ayeke gi na Babâ oko. Ndani laa, lo yeke na kamene ti iri ala a-ita ti ni pepe.

1 Samuel 25:29

Mbeni zo alondo ti tumba peko ti mo, babâ ti mbi ti fâ mo. Me fade KOTA GBIA, Nzapa ti mo ayeke honde fini ti mo na ya ti bozo ti bata ni na tere ti lo. Lo yeke bi awato ti mo tongana ti so a yeke zia têne na ya ti *mvingi si a yeke bi ni so.