Awatokua 17:26 - Mbeti ti Nzapa - Tënë so amu fini

²⁶ Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Awatokua 17:26 ပူးပေါင်းရင်းမြစ်များ

Tongo nda ti aye 3:20

Koli ni, Adam, adi iri ti wali ti lo Eve, so ti tene “Lo so ayeke na Fini”, ngbanga ti so lo laa lo yeke mama ti azo so kue ayeke na fini.

Tongo nda ti aye 9:19

Na lege ti amolenge ti Noe ota so laa azo asigigi, awu, amu ndö ti sese kue.

Mbeti ti Job 12:23

Lo yeke sara si amara awu, na pekoni, lo yeke hunzi ala kue; lo yeke sara si amara amu ndö ti sese, na pekoni, lo yeke sara si a gbu ala, a gue na ala na kodro wande.

Mbeti ti Job 14:5

Biani, mo diko lango ti fini ti zo awe, mo diko wungo ti nze ti lo si lo lingbi ti hon ni pepe.

Abia (Psaumes) 31:15

Me, mbi zia be ti mbi na ndö ti mo KOTA GBIA. Mbi tene: “Gi mo laa mo yeke Nzapa ti mbi.”

Abia (Psaumes) 74:17

Mo laa mo zia amaka ti sese kue, mo sara ngoi ti buru na ti ngu-Nzapa.

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 34:17

Lo laa lo bi mbeni ye ndali ti ala oko oko, lo mu kamba ti hakango na ye ti kangbi sese na ala. Sese ni ayeke ga ti ala kpu na kpu, ala yeke duti daa ngu na ngu.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Jérémie 27:5

Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Daniel 11:27

Agbia use so ayeke wara tere na tere ti meza oko. Me ndali ti so sioni ye laa asi be ti ala, ala yeke tene gi atënë ti mvene na popo ti ala. Atënë ti ala ni ayeke sara ye oko pepe, ngbanga ti so tënë ni ayeke ko ndani gi na lango so a diko awe.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Awatokua 14:17

Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Awatokua 15:18

lo fa tënë ni ando na azo kozoni awe.’

1 Korente 15:22

Tongana ti so azo kue ayeke kui ndali ti so ala yeke oko na Adam, legeoko nga fade azo kue ayeke wara lege ti duti na fini ndali ti gango so ala ga oko na Christ.

1 Korente 15:47

Kozo zo so Nzapa amu sese si asara na lo, ayeke zo ti sese; use zo ni alondo ti lo na yayu si aga.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.