Awatokua 17:25 - Mbeti ti Nzapa - Tënë so amu fini

²⁵ Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo.

Awatokua 17:25 ပူးပေါင်းရင်းမြစ်များ

Tongo nda ti aye 2:7

KOTA GBIA Nzapa amu fuku ti sese, lo sara na zo. Na pekoni, lo huru pupu so ayeke sara titene zo aduti na fini na ya ti hon ti zo ni si zo ni aga zo so ayeke na fini.

Mbeti ti Job 12:10

Aye so kue ayeke na fini, fini ti ala ayeke na maboko ti lo; pupu so zo ayeke wu ayeke na maboko ti lo.

Mbeti ti Job 22:2

Nzapa alingbi ti wara ye na lege ti zo? Aye so zo ayeke sara, ayeke mu ye gi na zo ni wani tongana lo sara ye na ndara.

Mbeti ti Job 27:3

Tongana mbi ngba ti wu, tongana pupu ti Nzapa angba na du ti hon ti mbi,

Mbeti ti Job 33:4

Yingo ti Nzapa laa asara mbi; Nzapa so ngangu ti lo ahon angangu kue, pupu ti yanga ti lo laa amu fini na mbi.

Mbeti ti Job 34:14

Tongana Nzapa abaa ndo fade gi na lo wani, tongana lo zi fade pupu ti lo na ya ti fini ti azo ndali ti lo wani,

Abia (Psaumes) 16:2

Mbi tene na *KOTA GBIA, mbi tene: “Mo laa mo yeke Kota Gbia ti mbi! Anzoni ye ti mbi kue alondo gi na mo.”

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 57:16

Biani, mbi yeke bi tënë na li ti azo lakue pepe, wala mbi yeke sara ngonzo lakue lakue pepe. Tongaso pepe, azo so kue mbi sara ala, ka ala yeke kui.

Jérémie 38:16

Me gbia Sedesias adeba yanga ti lo na hondengo ni na Jérémie, atene: “KOTA GBIA ayeke na fini! Lo so lo mu na e fini, fade mbi yeke fâ mo pepe. Azo so aye gi kuâ ti mo so, mbi yeke zia mo na maboko ti ala pepe.”

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Wungo ti azo 27:16

“KOTA GBIA Nzapa, mo so mo yeke mu fini na azo na anyama kue, mo soro mbeni zo ti duti na li ti bongbi ti azo ni.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Awatokua 14:17

Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Awatokua 17:28

Biani, ‘Na lege ti lo laa e yeke na fini, e yeke tambula si e yeke daa.’ “Ambeni zo ti ala so ayeke azo ti sungo mbeti na kode, atene: ‘E nga, e yeke amolenge ti lo.’

Rome 11:35

Zo wa laa amu ye na Nzapa kozoni titene Nzapa akiri afuta mbeni ye na lo?”

Ndia ti fani use ni 30:20

Ala ye KOTA GBIA Nzapa ti ala, ala ma yanga ti lo, ala ngba gi na tere ti lo. Lo laa lo yeke mu fini na ala, lo yeke sara si gigi ti ala ague, ayo si ala duti na sese so KOTA GBIA adeba yanga ti lo ti mu na akotara ti ala Abraham, Isaac na Jacob.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.