Awatokua 17:20 - Mbeti ti Nzapa - Tënë so amu fini

²⁰ E hunda mo, ngbanga ti so mo yeke so mê ti e na ambeni fini tënë so e ma ya ni pepe si e ye ti hinga nda ni.”

Awatokua 17:20 ပူးပေါင်းရင်းမြစ်များ

Osée 8:12

Ataa mbi su na mbeti atënë ti ndia gbani gbani ndali ti ala, ala yeke baa ni tongana mbeni ye so alondo na kodro wande.

Marc 9:10

Ala yeda, me ala hunda tere ti ala, atene: “Tënë ti zingongo na kuâ ni atene nyen?”

Jean 6:60

Na mango atënë so, mingi ti adisiple ti Jésus atene: “Tënë so ayeke ngangu mingi! Zo wa laa alingbi ti yeda na ni?”

Awatokua 10:17

Pierre ayeke gi li ti lo na ndö ti ye so asi na lo na ya ti mbeni ye tongana bango-li so. Gi na ndembe ni so, azo so Corneille atokua ala so ahunda da ti Simon si ala yeke luti na yanga ti da ni.

Awatokua 17:19

Ala mu lo na peko ti ala, ague na lo na gbe ti bongbi ti azo ti Areopaze si ala hunda lo: “E lingbi ti hinga fini tënë so mo yeke fa ni so?

Awatokua 17:21

– Andaa azo ti Athènes na agene so ayeke lango na gbata ni, kua ti ala ayeke ti fa afini tënë wala ti ma afini tënë. –

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Ahebro 5:11

E yeke na tënë mingi ti tene na ala na ndö ti tënë so; me ayeke ngangu ti fa nda ti atënë ni, ngbanga ti so ala ga azo so ayeke ma ya ti tënë hio pepe.

1 Pierre 4:4

Fadeso, li ti azo ni akpe, ngbanga ti so ala, a-ita, ala yeke sara mbeni pepe asioni sarango ye ti kirikiri so ala na azo ni abongbi ando si ayeke sara ni. Tongaso, azo ni ayeke zonga ala.