Awatokua 17:18 - Mbeti ti Nzapa - Tënë so amu fini

¹⁸ Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 17:18 ပူးပေါင်းရင်းမြစ်များ

Amato 23:9

Tene tënë na zo ti buba pepe: fade lo yeke baa hingango ndo ti mo tongana senge senge ye.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Marc 9:14

So ala ga awara tanga ti adisiple, ala baa gba ti azo so ayeke na tere ti ala. Azo ni na awafango-ndia ayeke *bingbi tënë na adisiple ni.

Nzoni Tënë so Luc asu na mbeti 11:53

So Jésus alondo na ya ti da ni asigigi, awafango-ndia na afarizien ato nda ti gi tënë mingi na lo. Ala hunda lo na atënë na ndö ti aye mingi,

Awatokua 26:23

Ala tene: fade *Mesii ayeke baa pasi si lo yeke duti kozo zo so ayeke zingo na popo ti akuâ, lo yeke fa lumiere na azo ti mara ti e nga na azo ti amara nde.”

Awatokua 4:2

Be ti ala aso mingi, ngbanga ti so Pierre na Jean ayeke fa ye na azo atene, Jésus azingo na kuâ awe. Tongaso, fade azo ayeke zingo nga na kuâ.

Awatokua 5:42

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Awatokua 6:9

Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.