Awatokua 17:17 - Mbeti ti Nzapa - Tënë so amu fini

¹⁷ Na ya ti da ti sambelango Nzapa, lo yeke tene tënë na azuife nga na azo so ayeke voro Nzapa si ala yeke azo ti amara nde. Na ya ti lango oko oko, lo yeke tene nga tënë na azo so kue lo yeke wara ala na ando so azo ayeke bongbi tere ti ala daa.

Awatokua 17:17 ပူးပေါင်းရင်းမြစ်များ

Amato 8:34

Ti lo nzoni, zo so ama mbi, zo so ayeke bata yanga ti da ti mbi lakue; lo yeke sara sanziri na tere ti yanga ti da ti mbi.

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Nzoni Tënë so Luc asu na mbeti 12:3

Ndani laa, tënë so kue ala tene na ya ti vukongo ndo, fade a yeke ma ni na kota lâ; tënë so ala tene na ya ti mê ti zo na ya ti kubu kâ, fade a yeke dekongo na ni na ndö ti da.”

Awatokua 10:2

Lo gbu tënë ti Nzapa mingi si lo yeke kpe mbeto ti Nzapa, lo na asewa ti lo kue. Lo yeke mu aye mingi na azo ti mawa so ayeke na popo ti azuife si lo yeke sambela Nzapa lakue.

Awatokua 13:16

Paul alondo, lo sara maboko ti lo si lo tene: “Azo ti Israel na azo so kue ayeke voro Nzapa, ala ma mbi!

Awatokua 13:43

So azo akangbi na peko ti bongbi ni awe, azuife mingi na ambeni zo ti amara nde so ayeke bata ndia ti Moïse amu peko ti Paul na Barnabas. Paul na Barnabas ayeke tene tënë na azo ni si ala yeke mu wango na ala titene ala ngba lakue ti zia be ti ala na ndö ti nzoni be ti Nzapa.

Awatokua 13:50

Me azuife apusu awali so ayeke na kota ndo si ala yeke voro Nzapa, ala na akota zo ti gbata ni titene ala sara ngangu na Paul na Barnabas si atumba ala na sese ti ala.

Awatokua 8:2

Ambeni zo so aye tënë ti Nzapa mingi alu Étienne si ala toto kuâ ti lo ngangu.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.