Awatokua 17:1 - Mbeti ti Nzapa - Tënë so amu fini

¹ Paul na Silas ahon na ya ti agbata ti Anfipolis na ti Apolonii si ala si na Tesalonike. Kâ, mbeni da ti sambelango Nzapa ti azuife ayeke daa.

Awatokua 17:1 ပူးပေါင်းရင်းမြစ်များ

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 15:21

Biani, ngbene ye giriri, azo ayeke fa *Ndia ti Moïse na ya ti agbata oko oko kue; na *lango ti wungo tere oko oko kue, ala yeke diko Ndia ni na ya ti ada ti sambelango Nzapa.”

Awatokua 16:13

Na *lango ti wungo tere, e sigigi na ya ti gbata ni, e gue na yanga ti *bale; e baa ti e, e tene, e yeke wara mbeni ndo ti sambelango Nzapa kâ. So e duti awe, e tene tënë na awali so abongbi tere ti ala kâ.

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 17:13

Me so azuife ti Tesalonike ama a tene, Paul ayeke fa nga tënë ti Nzapa na Bere, ala ga na ya ti gbata ni ti bi tomboka na li ti gba ti azo ni titene ala sara wusuwusu.

Awatokua 20:4

Azo so lo na ala ague ayeke Sopater, molenge ti Pirus, zo ti Bere, Aristarke na Sekundus, azo ti Tesalonike, Gaius, zo ti gbata ti Derbe, Tishike na Trofime, azo ti sese ti Azii nga na Timothée.

Awatokua 27:2

E ko na ya ti mbeni mangboko ti gbata ti Adramite so ayeke gue na mbage ti Azii. E na Aristarke laa e gue; lo yeke zo ti gbata ti Tesalonike, na sese ti Masedoane.

Filipe 4:16

So mbi yeke na Tesalonike, ala laa atokua na mbi ye so atia mbi; ala sara ni gi fani oko pepe.

1 Tesalonike 1:1

Mbi Paul, mbi na Silas na Timothée laa e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ na ti *Kota Gbia Jésus Christ. Ayeke nzoni Nzapa asara nzoni be na ala si lo mu na ala siriri!

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

2 Tesalonike 1:1

Mbi Paul, mbi na Silas na Timothée si e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ ti e na ti *Kota Gbia Jésus Christ.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.