Awatokua 16:6 - Mbeti ti Nzapa - Tënë so amu fini

⁶ Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

Awatokua 16:6 ပူးပေါင်းရင်းမြစ်များ

Ésaïe 30:21

Na ndembe so mo ye ti hon na mbage ti maboko ti koli wala na mbage ti maboko ti wali, mo yeke ma na peko ti mo mbeni go so ayeke tene: “Baa lege ni laa, mo mu ni!”

Nzoni Tënë so Luc asu na mbeti 1:2

ala su ni na mbeti ti fa peko ti tënë ti azo so abaa ye ni na le ti ala, ngbene ye na tongo nda ni si ala ga azo ti fango tënë ti Nzapa.

Awatokua 10:19

Pierre angba ti gbu li ti lo na nda ti ye so lo baa so, Yingo atene na lo: “Baa, akoli ota ayeke ge, ala yeke gi mo.

Awatokua 11:12

Yingo atene na mbi: ‘Mbi gi be ti mbi pepe, me mbi na ala e gue.’ A-ita ti Zope omene so ala yeke baa ala ge so, mbi na ala laa e gue si e li na da ti Corneille.

Awatokua 16:7

So ala ga nduru na sese ti Misii, ala gi lege ti li na sese ti Bitinii, me Yingo ti Jésus ake na ala ti gue kâ.

Awatokua 18:23

So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Awatokua 19:10

Ye so asara ngu use. Tongaso azo ti Azii kue, azuife na azo ti amara nde awara lege ti ma tënë ti Kota Gbia.

Awatokua 20:16

Biani, Paul aleke na be ti lo ti luti na Efeze pepe, tongaso si ngoi ahon lo na sese ti Azii pepe. Lo ye ti gue hio ti si na Jérusalem kozoni si lango ti *Pantekote alingbi, tongana lege ayeke daa.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 20:4

Azo so lo na ala ague ayeke Sopater, molenge ti Pirus, zo ti Bere, Aristarke na Sekundus, azo ti Tesalonike, Gaius, zo ti gbata ti Derbe, Tishike na Trofime, azo ti sese ti Azii nga na Timothée.

Awatokua 21:27

So lango mbarambara ni aga nduru ti hunzi awe, ambeni zuife ti sese ti Azii abaa Paul na ya ti kota da ti Nzapa. Ala pusu gba ti azo ti sara wusuwusu, ala gbu lo.

Awatokua 6:9

Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

Awatokua 8:29

Yingo atene na Philippe: “Mo gue, mo tengbi na pusu ti mbarata so.”

Rome 16:5

Ala bara na mbi azo ti Eglize so ayeke bongbi na da ti Priscille na Akilas. Ala bara na mbi Epainete so mbi ye lo mingi; lo yeke kozo zo ti sese ti Azii so ama na be na Christ.

1 Korente 12:11

Me gi oko Yingo so laa ayeke sara aye so kue; lo laa lo yeke kangbi amatabisi so kue na azo tongana ti so be ti lo aye.

1 Korente 16:1

Tënë ti bongbingo nginza ti mu maboko na azo ti Nzapa, ayeke nzoni ala sara ni gi tongana ti so mbi mu yanga na *a-Eglize ti Galasii ti sara.

1 Korente 16:19

*A-Eglize so ayeke na sese ti Azii abara ala. Akilas na Priscille, na azo ti Eglize so ayeke bongbi na da ti ala abara ala mingi na iri ti Kota Gbia so asara si e na ala e ga oko.

2 Korente 1:8

A-ita, e ye titene ala hinga tënë na ndö ti apasi so e baa na sese ti Azii: e baa lani pasi ngangu mingi, pasi ni aye ti hon ngangu ti e; ti be ti e, e tene, ti e ahunzi awe.

Galasii 1:2

A-ita azo ti Christ so kue ayeke ge abongbi na mbi ti tokua mbeti so na *a-Eglize ti sese ti Galasii.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

2 Timothée 1:15

Mo hinga so azo ti sese ti Azii kue azia mbi awe; Fizele na Hermozene ayeke nga na popo ti ala.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!