Awatokua 16:40 - Mbeti ti Nzapa - Tënë so amu fini

⁴⁰ Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Awatokua 16:40 ပူးပေါင်းရင်းမြစ်များ

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 16:14

Mbeni wali ti gbata ti Tiatire so iri ti lo Lydie ayeke kâ; kua ti lo ayeke ti kango abengba bongo so ngere ni ayeke ngangu mingi. Lo yeke mbeni wali so lo yeke voro Nzapa kozoni; lo yeke ma tënë ti e, ngbanga ti so *Kota Gbia azi be ti lo ti ma atënë ti Paul.

Awatokua 16:2

A-ita, azo ti Christ so kue ayeke na Listre na Ikoniom atene nzoni tënë ti Timothée mingi.

Awatokua 4:23

Na peko ti so a zi ala awe, Pierre na Jean akiri na popo ti amba ti ala si ala fa peko ti tënë so akota wayango-sandaga na *akangba atene na ala.