Awatokua 16:36 - Mbeti ti Nzapa - Tënë so amu fini

³⁶ Tongaso wabatango da ti kanga ni atene na Paul: “Azo ti fango ngbanga atokua yanga titene mbi zi mo na Silas, ala gue. Tongaso, ala sigigi fadeso, ala gue na siriri.”

Awatokua 16:36 ပူးပေါင်းရင်းမြစ်များ

2 Agbia 5:19

Élisée akiri tënë na lo, atene: “Gue nzoni!” Naaman amu lege ague. Naaman amu lege ahon gi kete.

Sigingo 4:18

Moïse ague na mbage ti kogara ti lo Zetro si atene na lo: “Mbi gbu gere ti mo, mbi ye ti kiri na tere ti a-ita ti mbi na sese ti Ezipte, ti baa wala ala ngba na fini.” Zetro ayeda si atene na lo: “Gue nzoni!”

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Awatokua 15:33

Na peko ti so ala lango kete na ndo so awe, a-ita ni azia ala titene ala kiri na siriri na mbage ti azo so atokua ala. [

Awatokua 16:23

Na peko ti so a pika ala sioni sioni awe, azo ni abi ala na da ti kanga si amu yanga na wabatango da ti kanga ni titene le ti lo akpengba na ndö ti ala.

Awatokua 16:27

Wabatango da ti kanga ni azingo na lango. So lo baa ayanga ti da ti kanga ni na zingo ni, lo baa lo tene, azo ti kanga ni kue akpe awe. Tongaso lo gboto yongoro zeme ti lo si lo ye ti fâ tere ti lo.

Awatokua 16:35

So ndo ahan, akota wafango-ngbanga ti Rome atokua na wabatango da ti kanga ni titene lo zi akoli so ala gue.

Awafango-ngbanga 18:6

Wayango-sandaga ni atene na ala: “Ala lingbi ti gue senge! *KOTA GBIA ayeke na ala na ya ti tambula ni.”

1 Samuel 1:17

Tongaso, Heli akiri tënë na lo: “Gue nzoni! Ayeke nzoni Nzapa ti Israel amu na mo ye so mo hunda na lo.”

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”

1 Samuel 25:35

Aye so Abigail aga na ni, David amu na maboko ti lo. Na pekoni, David atene na lo: “Kiri nzoni na da ti mo. Mbi ma demango tere ti mo awe, mbi sara nzoni be na mo.”

1 Samuel 29:7

Tongaso, kiri, mo gue nzoni na kodro ti mo, tongaso si mo sara mbeni ye pepe so be ti agbia ti azo ti Filistii ake ni.”