Awatokua 16:31 - Mbeti ti Nzapa - Tënë so amu fini

³¹ Ala kiri tënë na lo: “Mo ma na be na *Kota Gbia Jésus si fade mo yeke soo kuâ, mo na azo ti da ti mo kue.”

Awatokua 16:31 ပူးပေါင်းရင်းမြစ်များ

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Jean 1:12

Me azo so kue ayamba lo si ama na be na lo, lo mu na ala lege ti ga amolenge ti Nzapa.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Awatokua 15:11

E ma na be so e soo kuâ na lege ti nzoni be ti *Kota Gbia Jésus legeoko tongana ala.”

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 16:32

Ala fa tënë ti Kota Gbia na lo nga na azo so kue ayeke na ya ti da ti lo.

Awatokua 18:8

Krispus, makonzi ti da ti sambelango Nzapa ni ama na be na *Kota Gbia, lo na azo ti sewa ti lo kue. Ambeni zo ti Korente mingi ama tënë so Paul afa, ala ma na be si ala wara bateme.

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Awatokua 8:36

So ala ngba na lege ti gue, ala si na ndo so ngu ayeke daa. Mbaiwa ni atene: “Baa, ngu laa; nyen laa akanga lege na mbi ti wara bateme?” [

Rome 11:16

Tongana a zia akozo mapa nde ndali ti Nzapa, tanga ti mapa ni kue ayeke ti lo. Tongana zo amu gunda ti keke na Nzapa, amaboko ti keke ni kue ayeke nga ti lo.

Galasii 3:14

Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.