Awatokua 16:3 - Mbeti ti Nzapa - Tënë so amu fini

³ Paul aye ti mu Timothée ti gue na lo. Tongaso lo fâ lo na *ganza, ngbanga ti so azuife so kue ayeke kâ ahinga atene, babâ ti Timothée ayeke greke.

Awatokua 16:3 ပူးပေါင်းရင်းမြစ်များ

Awatokua 15:20

Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

Awatokua 15:37

Barnabas aye titene ala mu Jean, so mbeni iri ti lo ayeke Marc na tere ti ala,

Awatokua 15:40

Paul asoro ti lo Silas. Na peko ti so a-ita, azo ti Christ, asambela Kota Gbia ti sara nzoni be na lo, ala hon.

1 Korente 7:19

Fango ganza ayeke ye pepe, fango ganza pepe ayeke nga ye pepe. Kota ye ni ayeke titene zo asara ye alingbi na atënë ti yanga ti Nzapa.

1 Korente 9:20

Tongana mbi yeke na popo ti azuife, mbi yeke sara ye tongana zuife titene mbi wara azuife. Tongana mbi yeke na popo ti azo so ayeke na gbe ti Ndia ti Moïse, mbi yeke sara ye tongana zo so ayeke na gbe ti Ndia ni, ataa so mbi yeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni.

Galasii 2:3

Ataa Tite, mba ti mbi so mara ti lo ayeke greke, mbeni zo agbu lo na ngangu pepe titene lo fâ *ganza.

Galasii 2:8

Biani, Nzapa so amu ngangu na Pierre ti ga *watokua ndali ti azuife, gi lo oko laa lo mu nga na mbi ngangu ti ga watokua ndali ti azo ti amara nde.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Filipe 2:22

Ala wani ahinga anzoni ye so Timothée asara awe: lo sara kua ndali ti Nzoni Tënë na tere ti mbi, tongana ti so molenge ayeke sara kua na tere ti babâ ti lo.