Awatokua 16:26 - Mbeti ti Nzapa - Tënë so amu fini

²⁶ Mo ye ti baa, sese ayingi ngangu si ayingi gere ti da ti kanga ni. Gi na ndembe ni, ayanga ti da ni azi si azingiri so a kanga na azo ni kue azi ati na sese.

Awatokua 16:26 ပူးပေါင်းရင်းမြစ်များ

1 Agbia 13:28

Lo londo, lo gue, lo wara kuâ ti zo ti Nzapa so ayeke na ndö ti lege. Lele na bamara ayeke luti na tere ti kuâ ni. Bamara ni ate kuâ ni pepe, lo suru nga ya ti lele ni pepe.

Abia (Psaumes) 102:20

Na nduzu kâ, na ndo ti lo so ayeke nde si ayeke nzoni kue, KOTA GBIA aba tere ti lo ti baa ndo na ndö ti sese. Na yayu kâ, lo baa ndo na sese

Abia (Psaumes) 146:7

Azo so asara ngangu na ala, lo yeke fâ ngbanga ti ala na legeni. Lo yeke mu kobe na azo so nzara asara ala, KOTA GBIA ayeke zi azo ti kanga.

Abia (Psaumes) 68:6

Kâ na da ti lo so ayeke nde si ayeke nzoni kue, Nzapa ayeke babâ ti anyindu, lo yeke gbu koko ti awali-mua.

Abia (Psaumes) 79:11

Ayeke nzoni dema ti azo ti kanga ague ngbii asi na mo. Azo so a fâ ngbanga ti kuâ na li ti ala so, mo so mo yeke na ngangu mingi so, ayeke nzoni mo bata ala na fini.

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Matthieu 28:2

Mo ye ti baa, sese ayingi ngangu mingi; *ange ti *Kota Gbia alondo na yayu azu na sese, lo pusu têne ti yanga ti du ni si lo duti na ndö ni.

Awatokua 12:10

Ala hon kozo ndo so aturugu aluti daa, ala hon use ndo ni si na pekoni, ala si na yanga ti da ti sigigi na ya ti gbata ni; a sara yanga ti da ni na wen. Na hongo ti ala, yanga ti da ni azi gi lo oko si ala sigigi. So ala yeke hon na lege, mo ye ti baa, ange ni azia Pierre, ahon ti lo.

Awatokua 12:7

Mo ye ti baa, *ange ti *Kota Gbia asi, mbeni ye tongana wâ aza na ya ti kubu so Pierre ayeke daa. Ange ni andu Pierre na kate ti lo, Pierre azingo si ange ni atene na lo: “Londo hio!” Tongaso azingiri ni azi na maboko ti Pierre, ati.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 6:12

So Molenge ti Taba azi omene nzoroko ni, mbi baa sese ayingi ngangu: lâ avuko tongana vuko bongo ti mua, le ti nze aga bengba tongana mene;