Awatokua 16:25 - Mbeti ti Nzapa - Tënë so amu fini

²⁵ Nduru na be ti bi, Paul na Silas ayeke sambela si ala yeke he bia ti sepelango Nzapa. Atanga ti azo ti kanga ni ayeke ma ala.

Awatokua 16:25 ပူးပေါင်းရင်းမြစ်များ

Mbeti ti Job 35:10

Me mbeni oko atene pepe: “Nzapa so asara mbi so ayeke na ndo wa? Lo so lo zia abia na yanga ti e si e yeke he na bi so, lo yeke na ndo wa?

Abia (Psaumes) 119:55

KOTA GBIA, na bi, mbi yeke dabe ti mbi na mo titene mbi sara ye alingbi na ndia ti mo.

Abia (Psaumes) 119:62

Na be ti bi, mbi yeke londo ti mu singila na mo ngbanga ti fango ngbanga ti mo ti mbirimbiri.

Abia (Psaumes) 22:2

Nzapa ti mbi, Nzapa ti mbi, mo zia mbi ngbanga ti nyen? Mbi toto na mo gbaa, mo ga ti soo mbi pepe, mo ngba yongoro na mbi ngbanga ti nyen?

Abia (Psaumes) 34:1

Bia ti David. Na le ti Abimelek, David asara tere ti lo tongana zo ti fuu. Abimelek atumba lo; na ndembe so David ahon, lo he bia so, lo tene:

Abia (Psaumes) 42:8

Mo sara si ngu so asua atoto ngangu. *Amapo ti ngu ni ayeke iri ambeni mapo ni. Amapo so kue mo sara na le ti ngu ni ayeke hon na ndö ti mbi, ayeke hon na ndö ti mbi.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Abia (Psaumes) 77:2

Mbi iri Nzapa, mbi toto na lo; mbi iri Nzapa, fade lo yeke ma mbi.

Abia (Psaumes) 77:6

Mbi gbu li ti mbi na ndö ti alango ti giriri, mbi gbu li ti mbi na ndö ti angu so ahon ando.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Nzoni Tënë so Luc asu na mbeti 22:44

So mbeto angba ti sara lo ahon ndoni, lo kiri lo sambela Nzapa ngangu. Gbiki asigigi na tere ti lo tongana angbongboro mene si ayeke yuru na sese.]

Awatokua 15:22

Tongaso *awatokua na *akangba, ala na azo ti *Eglize ni kue ama tere ti soro ambeni zo na popo ti ala ti tokua ala na Antioshe, ala na Paul na Barnabas. Ala soro Judas so mbeni iri ti lo Barsabas, lo na Silas. A-ita, azo ti Christ, ane azo use so mingi.

Awatokua 16:19

So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 16:33

Gi na ya ti ngbonga ni so, wabatango da ti kanga ni amu ala si asukula ale ti ka ti ala. Gi na bi ni, lo wara bateme, lo na azo ti sewa ti lo kue.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

Rome 5:3

Na ndö ni kue, e yeke na ngia na ya ti aye ti pasi so ayeke si na e, ngbanga ti so pasi laa ayeke sara si zo akanga be ti lo,

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

Efeze 5:19

Tongana ala bongbi, ala he abia ti Mbeti ti Nzapa, abia ti gondango Nzapa na abia so Yingo ayeke mu na ala. Ala he abia si ala sepela Kota Gbia na be ti ala kue.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

Jacques 5:13

Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.

1 Pierre 4:14

Ti ala nzoni, tongana azo ayeke zonga ala ndali ti iri ti Christ!Ti ala nzoni, ngbanga ti so Yingo ti gonda, so ti tene Yingo ti Nzapa, ayeke duti na ndö ti ala!