Awatokua 16:23 - Mbeti ti Nzapa - Tënë so amu fini

²³ Na peko ti so a pika ala sioni sioni awe, azo ni abi ala na da ti kanga si amu yanga na wabatango da ti kanga ni titene le ti lo akpengba na ndö ti ala.

Awatokua 16:23 ပူးပေါင်းရင်းမြစ်များ

Matthieu 26:48

Judas, zo ti kango Jésus, afa na azo ni ye so fade lo yeke sara; lo tene: “Zo so mbi yeke su ande ngbangba ti lo, andaa lo laa. Ala gbu lo.”

Nzoni Tënë so Luc asu na mbeti 21:12

Me kozoni si aye so kue asi, fade azo ayeke gbu ala ti sara ngangu na ala, azo ayeke gue na ala na ya ti ada ti sambelango Nzapa, azo ayeke bi ala na da ti kanga; azo ayeke gue na ala na gbe ti agbia nga na gbe ti agovoronere ndali ti iri ti mbi.

Awatokua 12:18

So ndo ahan awe, aturugu atomboka kirikiri, ala yeke hunda tere ti ala, atene: “Nyen laa asi na Pierre, nyen?”

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Awatokua 16:27

Wabatango da ti kanga ni azingo na lango. So lo baa ayanga ti da ti kanga ni na zingo ni, lo baa lo tene, azo ti kanga ni kue akpe awe. Tongaso lo gboto yongoro zeme ti lo si lo ye ti fâ tere ti lo.

Awatokua 16:36

Tongaso wabatango da ti kanga ni atene na Paul: “Azo ti fango ngbanga atokua yanga titene mbi zi mo na Silas, ala gue. Tongaso, ala sigigi fadeso, ala gue na siriri.”

Awatokua 5:18

Ala gbu awatokua ni si abi ala na da ti kanga.

Awatokua 5:23

“So e si na da ti kanga ni, e baa yanga ni kue akanga nzoni si aturugu ayeke bata ni. Me so e zi yanga ti da ni, e wara zo oko na ya ni pepe!”

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

2 Korente 6:5

azo apika e, ala bi e na da ti kanga, ala tomboka na tere ti e, e woko na peko ti sarango kua, e lango pepe, e duti na nzara.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.

Josué 4:17

Josué amu yanga na awayango-sandaga, atene: “Ala sigigi na ya ti ngu ni!”

Aye so Nzapa afa 1:9

Mbi Jean, ita ti ala, mbi na ala kue, e yeke na ya ti ye ti ngangu. Na lege ti gango so e ga oko na Jésus, e yeke kanga be ti e na ya ti ye ti ngangu ni si mbi na ala, e yeke azo ti *Kodro-gbia ti Nzapa. A bi mbi na ya ti zoa ti Patmos ndali ti tënë ti Nzapa so mbi fa nga ndali ti taa-tënë so Jésus afa.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.