Awatokua 16:20 - Mbeti ti Nzapa - Tënë so amu fini

²⁰ Ala gue na ala na gbe ti akota wafango-ngbanga ti Rome si ala tene: “Azo so ayeke azuife si ala yeke bi wusuwusu na ya ti gbata ti e.

Awatokua 16:20 ပူးပေါင်းရင်းမြစ်များ

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.

Awatokua 16:19

So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 16:21

Ala yeke fa ambeni ye ti sarango ni so ndia ti e ake tënë ni. E yeke azo ti Rome, e lingbi ti yeda na aye ti ala ni pepe, e lingbi nga ti sara ni pepe.”

Awatokua 18:2

Kâ, lo wara mbeni zuife so iri ti lo Akilas; a du lo na sese ti Pon. Lo na wali ti lo Priscille alondo na Italii si ala ga fafadeso, ngbanga ti so kota gbia Claude amu mbeni mbela titene azuife kue alondo na gbata ti Rome. Paul ague, abaa Akilas na wali ti lo

Awatokua 19:34

Me so azo ni ahinga atene, lo yeke zuife, ala kue adekongo nduru na ya ti ngbonga use, atene: “Artemis ti Efeze ayeke kota mingi!”

Awatokua 28:22

Me e ye ti ma na yanga ti mo wani ye so ayeke na be ti mo, ngbanga ti so e hinga, e tene, na ndo kue azo ayeke ke tënë ti bongbi so mo yeke na ya ni.”

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.