Awatokua 16:2 - Mbeti ti Nzapa - Tënë so amu fini

² A-ita, azo ti Christ so kue ayeke na Listre na Ikoniom atene nzoni tënë ti Timothée mingi.

Awatokua 16:2 ပူးပေါင်းရင်းမြစ်များ

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 13:51

Tongaso *awatokua apika sese ti gbe ti gere ti ala na azo ni, na pekoni, ala hon ti gue na Ikoniom.

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 14:21

Paul na Barnabas afa Nzoni Tënë na gbata ti Derbe si azo mingi aga adisiple. Na pekoni, ala kiri na Listre, Ikoniom nga na Antioshe, na sese ti Pisidii.

Awatokua 14:6

So awatokua ni ahinga tënë ni, ala kpe ague na mbage ti Listre na Derbe, agbata ti sese ti Likaonii, nga na akodro so ayeke na tere ni.

Awatokua 16:40

Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

Filipe 2:22

Ala wani ahinga anzoni ye so Timothée asara awe: lo sara kua ndali ti Nzoni Tënë na tere ti mbi, tongana ti so molenge ayeke sara kua na tere ti babâ ti lo.

1 Timothée 3:7

Alingbi lo duti zo so azo so ama na be pepe atene nga nzoni tënë ti lo. Tongaso, fade azo ayeke tene sioni tënë na tere ti lo pepe si lo ti na ya ti gbanda ti Zabolo pepe.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

1 Timothée 5:25

Anzoni ye so zo asara, azo ayeke baa ni na le ti ala. Ataa anzoni ye so zo abaa ni hio pepe, alingbi ti ngba na hondengo ni pepe.

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Ahebro 11:2

Ndali ti mabe ti akotara ti e, Nzapa atene nzoni tënë ti ala.