Awatokua 16:19 - Mbeti ti Nzapa - Tënë so amu fini

¹⁹ So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 16:19 ပူးပေါင်းရင်းမြစ်များ

Daniel 6:12

Awato ti Daniel aga na loro na ndo ti lo, ala wara lo, lo ngba ti sambela si lo yeke voro tere ti lo na Nzapa ti lo.

Matthieu 24:9

Tongaso, fade a yeke zia ala na maboko ti ambeni zo titene a sara ngangu na ala; amara kue ayeke ke ala ndali ti mbi.

Marc 13:9

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.

Awatokua 14:5

Azo ti amara nde na azuife, ala na amakonzi ti ala ama tere ti sara pasi na awatokua ni, ti bo ala na têne.

Awatokua 15:22

Tongaso *awatokua na *akangba, ala na azo ti *Eglize ni kue ama tere ti soro ambeni zo na popo ti ala ti tokua ala na Antioshe, ala na Paul na Barnabas. Ala soro Judas so mbeni iri ti lo Barsabas, lo na Silas. A-ita, azo ti Christ, ane azo use so mingi.

Awatokua 15:26

Ala yeda ti ka fini ti ala ndali ti iri ti *Kota Gbia ti e Jésus Christ.

Awatokua 15:40

Paul asoro ti lo Silas. Na peko ti so a-ita, azo ti Christ, asambela Kota Gbia ti sara nzoni be na lo, ala hon.

Awatokua 16:16

Mbeni lâ, so e yeke gue na ndo ti sambelango Nzapa, e tengbi na mbeni molenge-wali so ayeke ngbaa. Lo yeke na mbeni sioni yingo na ya ti lo so ayeke sara si lo yeke fa aye so ayeke si ande na azo. Awa ti lo ayeke wara nginza mingi na lege ti aye so lo yeke fa.

Awatokua 16:20

Ala gue na ala na gbe ti akota wafango-ngbanga ti Rome si ala tene: “Azo so ayeke azuife si ala yeke bi wusuwusu na ya ti gbata ti e.

Awatokua 16:25

Nduru na be ti bi, Paul na Silas ayeke sambela si ala yeke he bia ti sepelango Nzapa. Atanga ti azo ti kanga ni ayeke ma ala.

Awatokua 16:29

Tongaso wabatango da ti kanga ni ahunda wâ. Lo li na loro si lo ti na gbe ti Paul na Silas, tere ti lo ayeke do.

Awatokua 17:6

So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe.

Awatokua 21:30

Wusuwusu amu ya ti gbata ni kue si gba ti azo alondo na ando nde nde akpe aga. Ala gbu Paul, agboto lo, asigigi na lo si ala kanga yanga ti da ni hio.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

2 Korente 6:5

azo apika e, ala bi e na da ti kanga, ala tomboka na tere ti e, e woko na peko ti sarango kua, e lango pepe, e duti na nzara.

Filipe 1:30

Ala nga atiri gi mara ti bira so ala baa ando mbi na tiringo ni si ala ma a tene, mbi ngba ti tiri ni so.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?