Awatokua 16:17 - Mbeti ti Nzapa - Tënë so amu fini

¹⁷ Lo mu peko ti e na Paul si lo yeke dekongo, atene: “Azo so ayeke azo ti kua ti Nzapa, lo so lo yeke na yayu kâ na ndö ti aye kue! Ala yeke fa na ala azo, lege titene ala soo kuâ!”

Awatokua 16:17 ပူးပေါင်းရင်းမြစ်များ

Abia (Psaumes) 57:2

Nzapa, baa mawa ti mbi, baa mawa ti mbi! Biani, mbi kpe ti honde tere ti mbi na mbage ti mo; mbi yeke honde tere ti mbi na gbe ti *kpangi ti mo ngbii aye ti ngangu ahon si.

Abia (Psaumes) 78:35

ala dabe ti ala atene, Nzapa ayeke kota têne so ala luti na ndö ni; lo so lo yeke na yayu kâ na ndö ti aye kue si lo yeke gbu koko ti ala so.

Daniel 3:26

Na pekoni, Nabukodonosor aga nduru na tere ti yanga ti du ti kota wâ ni si lo dekongo, lo tene: “Shadrak, Meshak na Abed-Nego, azo ti kua ti Nzapa so ayeke na ndö ti aye kue, ala sigigi aga ge!” Tongaso Shadrak, Meshak na Abed-Nego alondo na ya ti wâ ni si ala sigigi.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 4:2

Na mbeni bi, tongana mbi yeke na ndö ti gbogbo ti mbi, mbi baa li ti mbi. Bango-li ni azia mbeto mingi na be ti mbi si be ti mbi angba lakue gi na nduzu ndali ti aye so mbi baa.

Daniel 5:18

Babâ gbia, Nzapa so ayeke na ndö ti aye kue asara si babâ ti mo Nabukodonosor aga ando kota gbia, azo agonda lo mingi si ane lo na taa nengo ti gbia.

Daniel 5:21

Azo atumba lo na popo ti ala, be ti lo ti zo aga tongana ti nyama si lo yeke lango gi na popo ti alele ti ngonda; lo yeke te gi apere tongana bagara si ngu ti pere amu tere ti lo kue. Lo ngba tongaso ngbii asi na lango so lo yeda atene, Nzapa so ayeke na ndö ti aye kue laa ayeke gbia na ndö ti akodro ti azo, lo laa lo yeke zia zo so be ti lo aye na li ti kodro.

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Daniel 6:20

Na ndaperere, so ndo angba kâ, gbia alondo si lo gue hio na du ti abamara ni.

Jonas 1:9

Jonas akiri tënë na ala, atene: “Mara ti mbi ayeke hebro; mbi yeke voro KOTA GBIA, Nzapa so ayeke na yayu, lo so asara kota ngu-ingo nga na sese.”

Mishe 6:6

“Fade mbi yeke gue na nyen na *KOTA GBIA, Nzapa ti nduzu tongana mbi kuku na gbe ti lo ti voro lo? Mbi mu *sandaga so agbi ni kue na wâ si mbi gue na ni na gbe ti lo? Mbi mu bagara ti ngu oko si mbi gue na ni?

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 8:29

Ala dekongo, atene: “Mo, Molenge ti Nzapa! Ti mo na e nyen? Mo ga ti sara pasi na e kozoni si lango ni asi?”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 12:14

Ala ga si ala tene na lo: “Wafango-ye, e hinga so mo yeke tene gi taa-tënë; mo yeke sara kamene ti le ti zo pepe, ataa zo ni ayeke na kota ndo, me mo yeke fa taa-tënë na ndö ti lege ti sarango ye so Nzapa aye. Tene na e: *Ndia amu lege na e ti futa lapo na kota gbia ti Rome wala ti futa ni pepe? E lingbi ti futa ni wala e futa ni pepe?”

Marc 5:7

si lo dekongo ngangu, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi hunda mo na iri ti Nzapa, sara sioni na mbi pepe!”

Nzoni Tënë so Luc asu na mbeti 1:77

Mo yeke fa na azo ti lo lege so Nzapa ayeke zi tënë na li ti ala titene ala soo kuâ.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Nzoni Tënë so Luc asu na mbeti 20:21

Ala hunda lo, atene: “Wafango-ye, e hinga so mo yeke tene tënë si mo yeke fa ye gi na legeni mbirimbiri; mo yeke mu mbage ti zo oko pepe, me mo yeke fa mbirimbiri lege ti sarango ye so Nzapa aye.

Nzoni Tënë so Luc asu na mbeti 4:34

“Ti mo na e nyen, Jésus, zo ti Nazaret? Mo ga ti fâ e laa! Mbi hinga mo: mo yeke zo ti nzoni kue so Nzapa azia mo nde si lo tokua mo.”

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.

Nzoni Tënë so Luc asu na mbeti 8:28

So lo baa Jésus, lo dekongo, lo ti na gbe ti lo si lo tene tënë na kota go, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi gbu gere ti mo, sara sioni na mbi pepe!”

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Awatokua 18:26

Lo gue na ya ti da ti sambelango Nzapa si lo to nda ti tene tënë na mbeto pepe. So Priscille na Akilas ama lo, ala mu lo na da ti ala si ala kiri afa na lo lege ti Kota Gbia mbirimbiri ahon ti so lo hinga kozoni.

Awatokua 19:13

Ambeni zuife so ayeke fono na ya ti akodro nde nde ti tumba asioni yingo amu nga iri ti Jésus ti tumba na asioni yingo na tere ti azo. Ala yeke tene na asioni yingo, ni atene: “Na iri ti Jésus so Paul ayeke fa tënë ti lo, mbi mu yanga na ala, ala sigigi!”

1 Pierre 2:16

Ala sara ye tongana azo so asigigi na gbe ti ngbaa; me alingbi sigingo ti ala na gbe ti ngbaa ni aga mbeni ye ti kanga ndö ti sarango sioni ye pepe, me ala sara ye tongana angbaa ti Nzapa.

2 Pierre 2:2

Fade azo mingi ayeke mu peko ti awafango-ye ti mvene so ti sara aye ti potopoto so ala yeke sara. Ndali ti azo tongaso, azo ayeke zonga lege ti taa-tënë.